ပဲခူးတိုင်းဒေသကြီး၊ ပြည်ခရိုင်၊ ပြည်မြို့နယ်၊ တောင်လုံးညိုကျေးရွာရှိ တောင်သူ ဦးကြည်လွင်၏ မြေဧက (၀.၂၅)ဧကပေါ်တွင် ခရမ်းကြွပ်သီးများ စိုက်ပျိုးထားပြီး ယခုအချိန်တွင် လှိုင်လှိုင်ပေါများနေပြီဖြစ်ကြောင်း သိရှိရသည်။ ခရမ်းကြွပ်မျိုးများမှာ အဖြူသီး၊ ခရမ်းရောင်သီး၊ စိမ်းဖြူကြားသီးဟူ၍ (၃)မျိုးရှိရာ အဖြူသီးကိုသာ စိုက်ပျိုးကြောင်း သိရပါသည်။ ရန်ကုန် ဈေးကွက် သို့လည်း တင်ပို့ရောင်းချကြောင်း သိရသည်။ ခရမ်းကျွတ်သီးကို နယုန်လတွင် စတင်စိုက်ပျိုးပြီး တစ်လခွဲခန့်အကြာတွင် စတင်ခူးစွတ် နိုင်ပြီဖြစ်ကြောင်းသိရသည်။ (၁၂)လ ရာသီပတ်လုံး စိုက်ပျိုးပြီး ခူးစွတ်နိုင်ကြောင်းလည်း သိရသည်။ တစ်ပတ်လျှင် တစ်ကြိမ်ခူးစွတ်နိုင်ပြီး အလုံးရေ (၁၀၀၀၀) ခန့်ရရှိကြောင်းလည်း သိရသည်။ ဈေးကွက်သို့ တစ်လုံးလျှင် (၂၀)ကျပ်နှုန်းဖြင့် လက်လီရောင်းချပြီး လက်ကားဈေးနှုန်းမှာ တစ်လုံးလျှင် (၄၀-၅၀) ကျပ် ရရှိကြောင်း သိရှိရပါသည်။
DOCA(ပဲခူး)