ပဲခူးတိုင်းဒေသကြီး၊သာယာဝတီခရိုင်၊လက်ပံတန်းမြို့ စည်ပင်သာယာဈေးတွင်းရှိသော ဂျင်း ဈေးနှုန်းများမှာ ဇန်နဝါရီလနောက်ဆုံးပတ်တွင် ဂျင်း (၁၀)ကျပ်သားလျှင် ၁၀၀၀ ကျပ်ရှိခဲ့ပြီး ဖေဖော်ဝါရီလနောက်ဆုံးပတ်တွင်လည်း ၁၀၀၀ ကျပ်ရှိနေပါသည်။ ဂျင်းဈေးနှုန်းများ အတက် အကျ မရှိယခင်လ ဈေးနှုန်း အတိုင်း ဈေးငြိမ်နေပါသည်။
ကြက်သွန်ဖြူဈေးနှုန်းများအနေဖြင့် ဇန်နဝါရီလနောက်ဆုံးပတ်တွင် ကြက်သွန်ဖြူ (ကြူကုတ်) ၁၀ ကျပ်သားလျှင် ၂၂၀၀ ကျပ်၊ယခု ဖေဖော်ဝါရီလနောက်ဆုံးပတ်တွင် ၁၈၀၀ ကျပ်ဈေးနှုန်းဖြင့် ဈေးအနည်းငယ်ကျဆင်းလျက်ရှိပါသည်။
ကြက်သွန်ဖြူ(ရှမ်းစ) ဈေးနှုန်းအနေဖြင့် ဇန်နဝါရီလနောက်ဆုံးပတ်တွင် (၁၀) ကျပ်သားလျှင် ၂၀၀၀/ ကျပ်ပေါက်ဈေးရှိနေပြီး ယခုဖေဖော်ဝါရီလနောက်ဆုံးပတ်တွင် ကြက်သွန်ဖြူ (ရှမ်းစ) ၁၀ကျပ်သားလျှင် ၁၅၀၀/ကျပ်ဈေးတို့ဖြင့် အရောင်းအဝယ်ဖြစ်နေပါသည်။ ကြက်သွန်ဖြူဥ တစ်လုံးဈေးကွက်လည်းရှိ နေပြီး တစ်ဆယ်ကျပ်သားလျှင် ၂၅၀၀ ကျပ်ဈေးနှုန်းဖြင့် အရောင်းအဝယ် ဖြစ်နေကြောင်း သိရှိရပါသည်။
DOCA(ပဲခူး)