ကန့်ဘလူမြို့ရှိ မြို့မစည်ပင်သာယာဈေး ကွက်အတွင်းသို့ ဒေသထွက် ခရမ်းချဉ်သီး များနှင့်ရှမ်းပြည်နယ် အောင်ပန်းတို့မှထွက်ရှိသော ခရမ်းချဉ်သီး များကို မန္တလေးတိုင်းဒေသကြီး မှ မှာယူရောင်းချပြီး အရောင်းအဝယ်ဖြစ်လျက်ရှိကြောင်း သိရှိရပါ သည်။
ယခင် ဖေဖော်ဝါရီလ တတိယအပတ်တွင် ဒေသထွက် ခရမ်းချဉ်သီး ဈေးနှုန်းအနေဖြင့် ရိုးရိုး ဗမာ ခရမ်းချဉ်သီး တစ်ပိဿာလျှင် (၁၂၀၀/၁၀၀၀)ကျပ်၊ (၅၀)ကျပ်သားလျှင်(၆၀၀)ကျပ်၊ ၂၅ကျပ်သားလျှင် (၃၀၀)ကျပ်နှင့် ထိုင်ဝမ်ခရမ်းချဉ်သီး အလုံး အကြီး/အသေးပေါ် မူတည်၍ တစ်ပိဿာလျှင် (၇၀၀/၈၀၀) ကျပ်ဖြစ်ကာ(၅၀)ကျပ်သားလျှင်(၄၀၀/၃၅၀)ကျပ်နှင့်(၂၅)ကျပ်သားလျှင်(၃၀၀)ကျပ် ဈေးနှုန်းဖြင့် အရောင်း အဝယ်ဖြစ်လျက်ရှိပြီး ယခု ၂၀၂၅ ခုနှစ်၊ ဖေဖော်ဝါရီလ စတုထ္ထအပတ်တွင် ဒေသထွက် ခရမ်းချဉ်သီး ဈေးနှုန်းအနေဖြင့် ရိုးရိုး ဗမာခရမ်းချဉ်သီး တစ်ပိဿာလျှင်(၁၀၀၀)ကျပ်၊ (၅၀)ကျပ်သား လျှင်(၅၀၀)ကျပ်၊ နှင့် ထိုင်ဝမ်ခရမ်းချဉ်သီး အလုံး အကြီး/အသေးပေါ် မူတည်၍ တစ်ပိဿာ လျှင်(၆၀၀/၇၀၀)ကျပ်၊ (၅၀)ကျပ် သားလျှင်(၃၀၀/၃၅၀)ကျပ်နှင့် (၂၅)ကျပ်သားလျှင် (၂၀၀)ကျပ် ဈေးနှုန်းတို့ဖြင့် အရောင်းအဝယ် ဖြစ်လျက် ရှိပြီး ယခင် ဖေဖော်ဝါရီလ တတိယအပတ် ဈေးနှုန်းနှင့် နှိုင်းယှဉ်ကြည့်မည့်ဆိုပါက ခရမ်းချဉ်သီး ဈေးနှုန်း ဆက်လက် ကျဆင်းလျက်ရှိပြီး အရောင်း အဝယ်ဖြစ် လျက်ရှိကြောင်း ကန့်ဘလူမြို့ ကုန်စိမ်းသီးနှံ အရောင်း အဝယ် လုပ်နေသူများထံမှ သိရှိရပါသည်။
DOCA(စစ်ကိုင်း)