မကွေးတိုင်းဒေသကြီး၊ ပခုက္ကူခရိုင်သည် အပူပိုင်းဒေသဖြစ်၍ အပူပိုင်းဒေသပေါက်ရောက် သောအပင်များမှာ မန်ကျည်း၊ ကုက္ကိုလ်၊ တမာ၊ ထနောင်း၊ ရှားပင်နှင့် အခြားဆေးဘက်ဝင်အပင်များဖြစ်သော ဆင်တုန်းမနွယ်၊ ကြက်ဟင်းခါး၊ ကင်ပုံလက်ချာအပင်များလည်းအလေ့ကျပေါက်ရောက်လျက်ရှိပါသည်။ ထိုအပင်များအနက်မှ ဆေးဘက်ဝင်အပင် တစ်မျိုးဖြစ်သည့် နေလဲပင်သည်လည်း အလေ့ကျပေါက်သော ဆေးဘက်ဝင်အပင်တစ်ပင်လည်းဖြစ်ပါသည်။
နေလဲပင်သည် အညာဒေသတွင် လယ်စိုက်ခင်းများ၏ကန်သင်းရိုးများနှင့် စိုက်ပျိုးမှုမရှိသော လယ်ကွက်များတွင်အလေ့ကျပေါက်ရောက်လျက်ရှိပြီး ဒီဇင်ဘာလလယ်မှစ၍ အပွင့်များစတင်ပွင့် ကြပြီး ဇန်နဝါရီလတွင် အသီးများရင့်မှည့်ပြီး စတင်ဆွတ်ခူးကြောင်း သိရှိရပါသည်။ နေလဲစေ့များ ကို ဇန်နဝါရီလမှစ၍ ဈေးကွက်အတွင်းသို့ ဝင်ရောက် အရောင်းအဝယ်ဖြစ်နေကြောင်းကုန်စည်ဒိုင် မှ သိရှိရပါသည်။ အရောင်းအဝယ်ဖြစ်ခဲ့သော နေလဲစေ့ဈေးနှုန်းမှာ ဇန်နဝါရီလတွင် တစ်ပိဿာ လျှင့်ကျပ် (၁၀၀၀၀) ၊ ဖေဖေါ်ဝါရီလတွင် တစ်ပိဿာလျှင် ကျပ်(၉၇၀၀)ဖြစ်၍ မတ်လ ပထမပတ်တွင် နေလဲစေ့ တစ်ပိဿာလျှင်ကျပ်(၉၄၅၀)ဖြစ်ပြီး တစ်ပိဿာလျှင်ကျပ် (၃၀၀)ခန့် ဈေးကျနေပြီး နေ့စဉ် အရောင်းအဝယ်ဖြစ်မှု ပိဿာချိန်မှာ (၂၀၀၀)မှ(၃၀၀၀)ထိဖြစ်ကြောင်း၊ နေလဲစေ့ကို တိုင်းရင်းဆေးများတွင် လည်းအသုံးပြုကြကြောင်း၊ ခရုသင်းရောဂါအတွက်လည်းအသုံးပြုရကြောင်း လေ့လာသိရှိရပါသည်။
DOCA(မကွေး)