၂၀၂၅ခုနှစ်၊ မတ်လ(ပထမပတ်)တွင် ပခုက္ကူကြက်သွန်နီကုန်စည်ဒိုင်သို့ ဆောင်းစိုက်(ပင်စိုက်) ကြက်သွန်နီများစတင်ဝင်ရောက် အရောင်းအဝယ်ဖြစ်လျက်ရှိပါသည်။
မကွေးတိုင်းဒေသကြီး၊ ပခုက္ကူခရိုင်အတွင်းရှိ ကြက်သွန်နီ စိုက်ပျိုးရာ ဒေသများဖြစ်သော ပေါက်၊ ရေပြာ၊ ဆိပ်ဖြူ၊ ရေစကြိုနှင့် ပခုက္ကူကျွန်းများတွင် ဆောင်းစိုက်(ပင်စိုက်)များကို အဓိက စိုက်ပျိုး ထုတ်လုပ်လျက်ရှိပါသည်။ ပခုက္ကူကြက်သွန်နီ ကုန်စည်ဒိုင်သို့ ပခုက္ကူဒေသထွက် ကြက်သွန်နီများ သာမက ပေါက်၊ ရေပြာ၊ ကမ္မနှင့် ပုလဲဒေသမှ ထွက်ရှိသော ကြက်သွန်နီများလည်း ဥပုသ်နေ့မှလွဲ၍ အရောင်းအဝယ်ဖြစ်လျက်ရှိသည်။
ကြက်သွန်နီဈေးနှုန်းများအနေဖြင့် မတ်လ(ပထမ)ပတ်တွင် အရောင်းအဝယ်ဖြစ်ခဲ့သော လက်ကား ဈေးနှုန်းမှာ ထိပ်စတစ်ပိဿာလျှင် ကျပ် (၁၉၀၀)၊ အလတ်စ တစ်ပိဿာလျှင်ကျပ် (၁၇၀၀)၊ အနိမ့်စတစ်ပိဿာလျှင် ကျပ် (၁၅၀၀)ဖြစ်၍ မတ်လ (ဒုတိယ)ပတ်တွင် ဆောင်းစိုက်(ပင်စိုက်) ထိပ်စ တစ်ပိဿာလျှင် ကျပ် (၁၇၀၀)၊ အလတ်စတစ်ပိဿာလျှင် ကျပ်(၁၅၀၀)၊ အနိမ့်စ တစ်ပိဿာလျှင် ကျပ် (၁၂၀၀)ဖြစ်ပြီး မတ်လ(ပထမ)ပတ်နှင့် ယခုမတ်လ(ဒုတိယ)ပတ်တို့ နှိုင်းယှဉ်ပါက တစ်ပိဿာလျှင် ကျပ်(၂၀၀)ကျပ်ခန့် ဈေးကျနေပြီး အရောင်းအဝယ် သွက်လျက်ရှိပြီး နေ့စဉ်အရောင်းအဝယ်ဖြစ်မှု ကုန်ချိန်မှာ (၂၀၀၀၀) မှ (၅၀၀၀၀) အထိ အရောင်းအဝယ်ဖြစ်လျက်ရှိကြောင်း သိရှိရပါသည်။
DOCA(မကွေး)