ကြက်အူချောင်၊ ဝက်အူချောင်းကို တရုတ်လို လာ့ချန်၊ အင်္ဂလိပ်လို Sausage ဟုခေါ်ဆို ကြပါတယ်။ တရုတ်ပြည်တွင် ဘီစီ ၅၀၀ ဝန်းကျင်လောက် ကတည်းက ဝက်သား များကို တောက်တောက်ဆင်းပြီး အချိုအရသာထွက်စေရန် ပြုလုပ်ထားပြီး တရုတ်မဆလာ၊ ဆား၊ ဆန်အရက်၊ ပဲငံပြာရည်၊ ငရုတ်ကောင်းမှုန့်တို့ဖြင့် အသားကို ကြိတ်ပြီး ဝက်အူချောင်း ပြုလုပ်ကာ ရိက္ခာခြောက် အနေဖြင့် စတင်ပြုလုပ်ခဲ့ကြတယ်လို့လည်း လေ့လာသိရှိရပါတယ်။ နောက်ပိုင်းတွင် ကြက်အူချောင်း၊ ဝက်အူချောင်း ပြုလုပ်တဲ့နည်း ပညာဟာ ကမ္ဘာအရပ်ရပ် ရောက်ရှိလာခဲ့ပြီး မြန်မာတွေရဲ့ ကြိုက်နှစ်သက်တဲ့ အစားအစာ တစ်မျိုးလည်း ဖြစ်လာခဲ့ ပါတယ်။ ဧရာဝတီတိုင်းရဲ့ ဒေသထွက်ကုန်များတွင် ကြက်အူချောင်း၊ ဝက်အူချောင်းတို့ ပါဝင်ပြီး လူကြီးလူငယ်မရွေး ကြိုက်နှစ်သက်ကြသည့် အစားအသောက် တစ်မျိုးပင် ဖြစ်ပါတယ်။ ဧရာ ဝတီတိုင်းဒေသကြီး အတွင်းမှာ ကြက်အူချောင်း၊ ဝက်အူချောင်း လုပ်ငန်းကို တစ်ပိုင်တစ်နိုင် လုပ်ကိုင်နေတဲ့ အသေးစားစက်မှုလုပ်ငန်း များစွာရှိပါတယ်။ ပုသိမ် မှာဆိုရင်တော့ “ဒေါ်ကျင်မြ” ဝက်အူချောင်း နှင့် “ဝကြည်စံ”ဝက်အူချောင်း တို့ကတော့ လူကြိုက် များလှ ပါတယ်။ ပုသိမ် မြို့ရဲ့ အချက်အချာကျတဲ့ ဘွက်ကြီးတန်းလမ်းဟာ ကြက်အူချောင်း၊ ဝက်အူချောင်း ကမ္ဘာလို့ တောင် တင်စားလို့ရပါတယ်။ ဝက်အူချောင်၊ ကြက်အူချောင်း၊ ကြက်သားပြား၊ ဝက်သား ပြား၊ ဝက်ခေါက်ကြော် နှင့် ဝက်ဆီဖတ် များကိုလိုအပ်သလောက် ကြိုက်နှစ်သက်သလို ဝယ်ယူနိုင် သည့် အထိ ကြက်အူချောင်း/ ဝက်အူချောင်း ရောင်းချသည့် ဆိုင်တော်တော်များများကို အောင်ရတနာ လမ်း (ခေါ်) ဘွက်ကြီးတန်းလမ်း တွင် တွေ့မြင်နိုင်ပါတယ်။ အဆိုပါ ဘွက်ကြီးတန်းလမ်း တွင် “ဒေါ်ကျင်မြ” ကြက်အူချောင်း၊ ဝက်အူချောင်း လုပ်ငန်း ၏ မူလအစ စတင်ရာနေရာ ဖြစ်သကဲ့သို့ ဘွက်ကြီးတန်းလမ်း တစ်လျှောက်လုံးတွင်လည်း ဒေါ်ကျင်မြ၏သား/မြေး/ တူ/ တူမစသည့် ဆွေးမျိုးများက အမွေဆက်ခံ၍ ရောင်းချနေကြသည့်အတွက် ဘွက်ကြီးတန်းလမ်း တစ်လျှောက် လုံးတွင် “ဒေါ်ကျင်မြ” အမည်ဖြင့် ရောင်းချနေသည် ကြက်အူချောင်း၊ ဝက်အူ ချောင်းဆိုင်ပေါင်း များစွာကို တွေ့ရှိနေရခြင်းဖြစ်ပါသည်။ သို့သော် နယူးဇီဘိန်၊ မြို့ချစ်၊ ထက်ထက် အစရှိသည်ဖြင့် အခြားသော နာမည်များဖြင့် ဖွင့်လှစ်ရောင်းချနေသည့် ကြက်အူချောင်း၊ ဝက်အူချောင်း ဆိုင်များ လည်း ရှိနေပါသေးသည်။ မည်သို့ပင်ဆိုစေကာမူ ပုသိမ်မြို့ရဲ့ နာမည်ကြီး “ဒေါ်ကျင်မြ” ကြက်အူ ချောင်း၊ ဝက်အူချောင်းလုပ်ငန်း စတင်ရာ ဘွက်ကြီးတန်း လမ်းတွင် ပုသိမ်မြို့ပြန်လက်ဆောင် အနေဖြင့် ဝက်အူချောင်၊ ကြက်အူချောင်း၊ ကြက်သားပြား၊ ဝက်သား ပြား၊ ဝက်ခေါက်ကြော် နှင့် ဝက်ဆီဖတ် များကို တစ်နေရာထဲ၌ စိတ်ကြိုက် လတ်လတ်ဆက်ဆက် ဝယ်ယူအားပေးနိုင်သည့် “ပုသိမ်မြို့ရဲ့ ကြက်အူချောင်း၊ ဝက်အူချောင်း တို့ကမ္ဘာ ဘွက်ကြီးတန်းလမ်း” အကြောင်း သတင်းပေးရေးသားလိုက်ရပါသည်။
DOCA(ဧရာဝတီ)