ဧရာဝတီတိုင်းဒေသကြီး၊ မအူပင်မြို့နယ်အတွင်းရှိ အနောက်ဘက်ကမ်း ကျေးရွာများတွင် ဟော်လန်သံပုရာသီးနှံကို စိုက်ပျိုးလျက်ရှိပြီး ယခုနှစ်တွင် စိုက်ဧက ၉၃၀ ကျော် စိုက်ပျိုးထားရှိကြောင်း သိရသည်။
မျိုးအနေဖြင့် ဟော်လန် သံပုရာသီးမျိုးကို ပေ ၆၀ ပတ်လည်ခြံတွင် စိုက်ပျိုးပြီး သံပုရာအပင်ရေ ၈၀ခန့်စိုက်ပျိုးထားသည်။ သုံပုရာကိုင်းကို ၁ကိုင်းလျှင် ၁၂၀၀/-ကျပ်ဖြင့် ဝယ်ယူစိုက်ပျိုးရသည်။ စိုက်ပျိုးမှုအနေဖြင့် ၂၀၂၄ခုနှစ် ဇွန်လတွင် ၈လာအကြာ ၂၀၂၅ခုနှစ် ဖေဖော်ဝါရီလတွင် စတင် လှိုင်လှိုင်ထွက်ပေါ်လျက်ရှိကြောင်း၊ စိုက်ပျိုးထုတ်လုပ်မှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စိုက်ဧကလျှင် ငွေကျပ် ၂၀၀၀၀၀ ခန့် ကုန်ကျပြီး အထွက်နှုန်းအနေဖြင့် ၁ပင်လျှင် အသီး ၅၀၀ခန့်သီးပြီး အလုံးရေ ၄၀၀၀၀ ခန့်ထွက်ရှိသည်။
ဈေးနှုန်းအနေဖြင့် ၂၀၂၅ခုနှစ် မတ်လ လက်ကာဈေး သံပုရာ ၁လုံးလျှင် ငွေကျပ် ၁၀၀ ဖြင့် ရောင်းချရပြီး အကျိုးအမြတ်အနေဖြင့် ငွေကျပ် ၃၈၀၀၀၀၀သိန်း ခန့် ရရှိကြောင်း၊ ဈေးကွက်အနေဖြင့် ရန်ကုန်သို့ တင်ပို့ရောင်းချပြီး ဈေးနှုန်းကောင်းမွန်မှုကြောင့် အကျိုးအမြတ်များရရှိကြောင်း သိရှိရပါသည်။
DOCA (ဧရာဝတီ)