စားသုံးသူရေးရာဦးစီးဌာန၊ကြံခင်းမြို့နယ်တာဝန်ခံသည်(၁၇.၃.၂၀၂၅)ရက်နေ့ နံနက် (၀၉:၀၀) အချိန်တွင် ခရိုင်/မြို့နယ်စိုက်ပျိုးထုတ် လုပ်မှုတိုးတက်မြင့်မားရေးကြီးကြပ်မှုကော်မတီဥက္ကဌ၊ ခရိုင် / မြို့နယ်လယ်ယာမြေစီမံခန့်ခွဲရေးနှင့်စာရင်းအင်းဦးစီးဌာန၊ မြို့နယ်စိုက်ပျိုးရေးဦးစီးဌာန အဖွဲ့ဝင်များ နှင့်ပူးပေါင်း၍ ကြံခင်းမြို့နယ်၊ ရွာသစ်အုပ်စု၌ ကျင်းပပြုလုပ်သော ဆီထွက်သီးနှံ ဆောင်းနေကြာ စံပြစိုက်ခင်းရိတ်သိမ်းပွဲသို့ တက်ရောက်ခဲ့ပါသည်။
အဆိုပါ ဆောင်းနေကြာ စံကွက်ရိတ်သိမ်းပွဲကို ကြံခင်းမြို့နယ် ၊ ရွာသစ်အုပ်စုရှိ တောင်သူ ဦးအောင်သူ၏ စိုက်ခင်း(၂.၀၀) ဧက၌ Super Sun-41 အမျိုးအစား ဆောင်းသီးနှံနေကြာ စံကွက် ရိတ်သိမ်းခဲ့ရာ တစ်ဧကလျှင်(၃၅.၇၃)တင်းထွက်ရှိခဲ့ပြီး၊ အဆိုပါရိတ်သိမ်းခြွေ့လှေ့မှုကို ခရိုင်စိုက်ပျိုး ထုတ်လုပ်မှုတိုးတက်မြင့်မားရေးကြီးကြပ်မှုကော်မတီဥက္ကဌ ဦးမျိုးလှိုင်နှင့်အဖွဲ့ဝင်များက ကြည့်ရှု အားပေးကြပြီး တောင်သူများအနေဖြင့် အထွက်နှုန်းပြည့်မီစေရေး အလေးထားဆောင်ရွက်ကြရန်နှင့် ဒေသအတွင်းဆီဖူလုံရေးအတွက် တစ်နိုင်တစ်ပိုင်ကစ၍ စီးပွားဖြစ်စိုက်ပျိုးနိုင်ရေးကို ကြိုးစားပြီး စိုက်ပျိုးသွားကြရန် မှာကြားခဲ့ပြီး စံကွက်ရိတ်သိမ်းပွဲကို နေ့လည် (၁၂:၀၀) နာရီအချိန်တွင် ရုပ်သိမ်း ခဲ့ကြောင်း သိရှိရပါသည်။
DOCA(ဧရာဝတီ)