နှင်းသီးဟာ ကျန်းမာရေးကို အကျိုးပြုသလို စုံလင်စွာဖန်တီးမှီဝဲလို့ရတာမှန်ပေမယ့် ဘေးထွက်ဆိုးကျိုးတချို့လည်း ရှိနေပါတယ်။ နှင်းသီးပင်ရဲ့ အရွက်၊ အစေ့နဲ့ အမြစ်တွေမှာ ဆိုင်ယာနိုက်အဆိပ် ပမာဏ မြင့်မြင့်မားမားပါဝင်နေတာမို့ ဒီဟာတွေကိုတော့ ရှောင်ကျဉ်သင့်ပါသည်။
အလုံးခပ်ကြီးကြီး နှင်းသီးကို တဂျွမ်းဂျွမ်းကိုက်စားရတာက လူတွေကို စိတ်ကျေနပ်ပျော်ရွှင်မှု ရစေပါတယ်။ ဒါ့အပြင် အရည်ရွှမ်းပြီး ချိုမြိန်နူးညံ့တဲ့ နှင်းသီးတွေဟာ ကျန်းမာရေးကို များစွာ အထောက်အကူပြုတဲ့ သစ်သီးဝလံ တစ်မျိုးလည်း ဖြစ်ပါတယ်။ နှင်းသီးကို တစ်ချို့က အစိမ်းလိုက်စားခြင်း၊ တစ်ချို့က ငံပြာရည်၊ ငရုတ်သီးမှုန့်ဖြင့် သုတ်စားကြသည်။
မအူပင် အခွန်လွတ်ဈေးတွင် သစ်သီးရောင်းချသူထံမှ နှင်းသီးများကို ၂၀၂၅ခုနှစ် မတ်လမှ စတင်၍ နှင်းသီးများကို ကျိုတ်လတ်မှ မှာယူရောင်းချပြီး နှင်းသီး အလုံး ၁၀၀၀ပါ တစ်အိတ်ကို ငွေကျပ် ၈၀၀၀၀/-ဖြင့် ဝယ်ယူရကြောင်း၊ ၁လလျှင် နှင်းသီး ၄အိတ်လောက်မှာ ယူရောင်းချရကြောင်းသိရသည်။ ဈေးကွက်ရောင်းချမှုအနေဖြင့် နှင်းသီး ၁လုံးကို ၁၀၀ကျပ်ဖြင့် ပြန်လည်ရောင်းချပြီး အလုံးလိုက်ရောင်းချခြင်း အလုံး၁၀၀ပါ အိတ်ဖြင့် ပြန်လည်ထုတ်ပိုး ရောင်းချကြောင်းနှင့် နှင်းသီးအလုံး ၁၀၀၀ ၁အိတ်ကို ငွေကျပ် ၂၀၀၀၀/- အကျိုးအမြတ် ကျန်ရှိ ကြောင်းသိရသည်။ တစ်နေ့လျှင် နှင်းသီး အလုံး ၁၀၀ပါ ၅အိတ်လောက် ရောင်းချနေရပြီး ယခုနွေရာသီတွင် အချဉ်ပေါင်း ရောင်းချသူများက ပိုမိုဝယ်ယူကြကြောင်း သစ်သီးဝလံရောင်းချသူထံမှ သိရသည်။
DOCA (ဧရာဝတီ)