“နွေစပါးစိုက်ပျိုးရန်အတွက်ပျိုးများစတင်ထောင်လျက်ရှိ”

  မန္တလေးတိုင်းဒေသကြီး၊ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်သောကြောင့် ရာသီမရွေးသီးနှံမျိုးစုံ စိုက်ပျိုးလျက်ရှိပါသည် ။ တောင်သူဦးကြီးများသည် ရာသီအလိုက် သီးနှံမျိုးစုံ စိုက်ပျိုးသည့်အနက် စပါးသီးနှံကိုလည်းတစ်နှစ်ပတ်လုံးစိုက်ပျိုးကြပါသည်။ယခုအချိန်တွင်နွေစပါးများ ပျိုးထောင်ရန်အတွက် ဆည်မှ ပျိုးကြဲရေပေးသောကြောင့် စပါးပျိုးများ စတင်ပျိုးထောင်လျက်ရှိပါ သည်။စပါးပျိုးထောင်ရန်အတွက် (၁)ဧက မျိုး(၂)တင်းခန့်ပျိုး ထောင်စိုက်ပျိုးရကြောင်း၊ စိုက်ပျိုးသော မျိုးများမှာ ဧရာပဒေသာမျိုး ၊ မနောသုခမျိုးများကို အများဆုံး စိုက်ပျိုးကြပါသည် ။ မျိုးဈေးနှုန်း အနေဖြင့် ဧရာပဒေသာ တစ်တင်းလျှင်(၂၈၀၀၀/-)ကျပ်၊ မနောသုခတစ်တင်းလျှင်(၂၂၀၀၀/-)ကျပ်ဖြင့် ဝယ်ယူစိုက်ပျိုးကြကြောင်း၊စိုက်ပျိုးမှုပျိုးထောင်စရိတ်အနေဖြင့်တစ်ဧကစိုက်ပျိုးမှုအတွက် ထွန်ထယ် နှင့် မြေဩဇာဖိုး အပါအဝင် (၂၃၀၀၀၀/-)ကျပ်ခန့်ကုန်ကြကျကြောင်း၊ ပျိုးထောင်ပြီး ပျိုးသက်တမ်း (၄၅)ရက်တွင် စပါး စိုက်ပျိုးရန်အတွက် ပျိုးနုတ်ပြီးစတင်စိုက်ပျိုး၍ရကြောင်း ၊ စပါးမျိုးဈေးအနေဖြင့် ယခင်နှစ်နှင့်ယခုနှစ်ဈေးနှုန်းမကွာခြားကြောင်း၊ စပါးဈေးနှုန်းငြိမ်သောကြောင့် ပျိုးထောင်စရိတ်မှာလည်း မကွာခြားကြောင်း၊ စပါး စတင်ပျိုးထောင်နေသော တောင်သူတစ်ဦး၏ ပြောကြားချက်အရ သိရှိရ ပါသည်။

DOCA(မန္တလေး)