၁၇.၃.၂၀၂၅ 
မန်းသစ်သီးဈေးကွက်အတွင်း မရမ်းသီးမှည့်များ ဝင်ရောက်လျက်ရှိပါသည်။ မရမ်းသီးကို ဒီဇင်ဘာလ တတိယပတ်လောက်မှ စတင်ဝင်ရောက်ခဲ့ပြီး လုံးသေးများကို ရာသီစာအဖြစ် မရမ်းသီးထောင်း၍ ဟင်းအဖြစ်စားသုံးကြပါသည်။ စတင်ဝင်ရောက်ချိန်တွင် မရမ်းသီး ၁၀ ကျပ်သားလျှင် ၁၀၀၀၀ ကျပ်ထိ ဈေးရှိခဲ့ပြီး၊ ဇန်နဝါရီလတွင် ၁၀ ကျပ်သား ၆၀၀၀ ကျပ်ဝန်းကျင် ထိဈေးရှိပြီး၊ ယခု မတ်လတွင် မရမ်းသီးများ ရင့်မှည့်လာပြီး ဈေးနှုန်းလည်းကျဆင်းခဲ့ပါတယ်။ အချို့အိမ်ရှင်မများအနေနှင့် ယခုလိုမရမ်းသီး ၁၀ ကျပ်သား ၁၅၀၀ ကျပ်မှ ၂၀၀၀ ကျပ်ဝန်းကျင် ဈေးပေါချိန်တွင် မရမ်းသီးများကို ပါးပါးလှီး၍ နေလှမ်းပြီး အခြောက်ထိန်းသိမ်းထားရှိကာ မိုးကာလ ခရမ်းချဉ်သီးရှားပါးသည့်ချိန်တွင် ခရမ်းချဉ်သီးအစား မရမ်းသီးခြောက်နှင့် ဟင်းများချက်ပြုတ် စားသောက်ကြပါသည်။ မရမ်းသီးအမှည့်မှာ ချဉ်ချိုမွှေးအရသာရှိသည့် အတွက် အချဉ်ကြိုက်သူများက မရမ်းသီးမှည့်များကို နှစ်သက်ကြပါသည်။ ယခု လတ်တလော မရမ်းသီးမှည့်ဈေးကွက်အနေနှင့် ၁၀ ကျပ်သားလျှင် ၃၀၀၀-၃၅၀၀ ကျပ်ထိ ဈေးကွက်တွင် အရောင်းအဝယ်ဖြစ်လျှက်ရှိကြောင်း သိရှိရပါသည်။
DOCA(မန္တလေး)