မကွေးတိုင်းဒေသကြီး၊ အထက်မင်းလှမြို့ပေါ်တွင် ကြံရည်များ အရောင်းသွက်လျက်ရှိကြောင်း သိရသည်။ ကုန်ကြမ်းဖြစ်သည့် ကြံပင်များကို မကွေးမြို့နှင့် မင်းဘူးမြို့တို့မှ မှာယူပြီး ရိုးရိုးကြံရည်အဖြစ်ရောင်းချသည့်အပြင် ဇီးဖျော်ရည်နှင့် တွဲစပ်၍ ဇီးကြံအဖြစ်လည်း ရောင်းချကြောင်း သိရသည်။
၂၀၂၅ခုနှစ်၊ မတ်လ(ဒုတိယပတ်)တွင် ရိုးရိုးကြံရည်တစ်ခွက်လျှင် ကျပ်(၁၀၀၀)၊ ဇီးကြံဖျော်ရည် တစ်ခွက်လျှင် ကျပ်(၁၂၀၀)ဖြင့် ရောင်းချလျက်ရှိကြောင်း၊ တစ်နေ့လျှင် ကြံရည်အခွက်(၅၀)မှ (၁၀၀)ကြား ရောင်းချနေရကြောင်း၊ နွေကာလရောက်လာသည့်အတွက် ရာသီစာကြံရည်မှာ အရောင်းသွက်လျက်ရှိကြောင်း မင်းလှမြို့ရှိ ကြံရည်ရောင်းချသည့် ဆိုင်ပိုင်ရှင်တစ်ဦးထံမှ သိရသည်။ ကြံရည်သည် နွေရာသီနှင့် အလွန်လိုက်ဖက်သဖြင့် သောက်သုံးပေးခြင်းအားဖြင့် ကျောက်ကပ်ရောဂါ၊ ကင်ဆာရောဂါ များကို ကာကွယ်ပေးသည့်အပြင် ကိုယ်ခန္ဓာအတွက်လည်း ဝမ်းမှန်စေပြီး လိုအပ်သောရေဓါတ်ကိုလည်း ဖြည့်တင်းပေးရာရောက်သည့်အတွက် ရာသီစာ ကြံရည်ကို သောက်သုံးပေးသင့်ပါသည်။
DOCA(မကွေး)