ကျိုင်းတုံမြို့နယ်သည် ပွင့်လင်းရာသီရောက်လာသည်နှင့်အမျှ မတ်လအတွင်း သဘာဝက ပေးသော သီးနှံတစ်မျိုးဖြစ်သည့် မန်ကျည်းသီးဈေးကွက်အခြေအနေမှာ ကျိုင်းတုံမြို့ရှိ နေအိမ်များ၊ ဥယျာဉ်ခြံများ၌ ပေါက်ရောက်လျက်ရှိသော မန်ကျည်းပင်များကို အပင်ချုပ်စနစ်ဖြင့် ဝယ်ယူပြီး အစေ့ထုတ်ကာ ကျိုင်းတုံမြို့ရှိ ဈေးများ၌ အရောင်းအဝယ်ဖြစ်နေကြောင်း သိရှိရပါသည်။
ယခုနှစ်တွင် မန်ကျည်းအပင်ချုပ် တစ်ပင်ဝယ်လျှင် အထွေထွေကုန်ကျစရိတ်မှာ မန်ကျည်း သီးတစ်ပင်လျှင် (၅၀,၀၀၀)ကျပ်၊ အပင်တက်ခ (၃၀,၀၀၀)ကျပ်၊ မန်ကျည်းသီးကောက်ခ (၃၀,၀၀၀) ကျပ်၊ အစေ့ထုတ်ခ (၃၀,၀၀၀)ကျပ်၊ သယ်ယူပို့ဆောင်ခ (၄၀,၀၀၀)ကျပ်ဖြစ်၍ မန်ကျည်းတစ်ပင်၏ စုစုပေါင်းကုန်ကျငွေမှာ (၁၈၀,၀၀၀)ကျပ် ကုန်ကျပါသည်။
မန်ကျည်းသီးတစ်ပင်၏ ထွက်ရှိနှုန်းမှာ ပျှမ်းမျှပိဿာချိန် (၄၀)မှ (၅၀)ထိ ထွက်ရှိကြောင်း သိရှိရပါသည်။ တစ်ပိဿာလျှင် ရောင်းဈေး (၇,၀၀၀)ကျပ်မှ (၈,၀၀၀)ထိ ရရှိကာ ပျှမ်းမျှ (၄၀) ပိဿာကို (၇၀၀၀/-)ကျပ်နှုန်းဖြင့်တွက်လျှင် (၂,၈၀၀,၀၀၀)သိန်းခန့်ရရှိပြီး မန်ကျည်းတစ်ပင်၏ ခူးဆွတ်ခြင်း အထွေထွေကုန်ကျစရိတ် (၁၈၀,၀၀၀)နုတ်လျှင် မန်ကျည်းပင်တစ်ပင်လျှင် (၁၀၀,၀၀၀) ကျပ်ခန့် အမြတ်အစွန်းရရှိနေပါကြောင်း မန်ကျည်းသီးရောင်းဝယ်ဖောက်ကားသူများထံမှ သိရှိရပါ သည်။
DOCA(ရှမ်း)