လယ်ယာထဲက အားထုတ်မှုနဲ့ စျေးကွက်ထဲက အားပေးမှုတို့ပေါင်းစည်းမှ၊ စီးပွားရေး ကောင်းမွန်မှုဟာ ဖြစ်ပေါ်လာမှာ ဖြစ်ပါတယ်။ တောင်သူများရဲ့ လက်များက မြေဆီလွှာကို ထိတွေ့နေချိန်မှာပဲ ဝယ်သူတွေရဲ့ လက်တွေကအရသာကိုထိတွေ့နေပါတယ် ဒါကပဲ စီးပွားရေး ခေါ်သံရဲ့ တစ်ဖက်ခြမ်းလို့ ခေါ်ဆိုနိုင်ပါတယ်။ "တစ်ဖက်က စိုက်တယ်၊ တစ်ဖက်က ဝယ်တယ်။ တစ်ဖက်က အားပေးတယ်၊ တစ်ဖက်က အခွင့်အလမ်းဖန်တီးတယ်။” ဆိုတဲ့စကားအတိုင်းပင် ကျောင်းကုန်းမြို့နယ်၏ ခရမ်းသီးစိုက်ပျိုးမှုက စိုက်သူများအတွက်သာမက စျေးကွက်တစ်ခုလုံး အတွက် အဖိုးတန်အခွင့်အလမ်းတစ်ခုဖ ဖန်တီးနိုင်နေပြီ ဖြစ်ပါတယ်။
ဧရာဝတီတိုင်းဒေသကြီး၊ ကျောင်းကုန်းမြို့နယ်မှ ထွက်ရှိသော ခရမ်းသီးများသည် လတ်ဆတ်၍ အရည်အသွေးကောင်းမွန်လှသည့်အတွက် ယခုနှစ် မတ်လဒုတိယပတ်မှစ၍ မတ်လ ၂၁ ရက်နေ့အထိ တိုးတက်လာသော ဝယ်လိုအားကြောင့် တစ်နေ့လျှင် ၄၀၀၀၀ မှ ၅၅၀၀၀ အထိ ရောင်းချကာ အရောင်းအဝယ်လုပ်ငန်းများအဆင်ပြေနေကြပြီ ဖြစ်ပါတယ်။ ကျောင်းကုန်းမှ စိုက်ပျိုးသည့် ခရမ်းအဝိုင်းသီးနှင့် အရှည်သီး အမျိုးအစားနှစ်မျိုးစလုံးမှာ ဈေးကွက်ဝယ်လိုအား မြင့်တက်နေပြီး ခရမ်းသီးအလုံး ၁၀၀ အတွက် ကျပ် ၁၃၀၀၀ ခန့် ရရှိနေကြပါတယ်။ စိုက်ပျိုးမှုအတွက် ပြန်လည်ရရှိလာသည့်ဈေးနှုန်းကလည်း စိုက်ပျိုးသူ တောင်သူများအတွက် စိတ်အားထက်သန်စေသောကြောင့် ကျောင်းကုန်းမြို့နယ်တွင် ခရမ်းသီး စိုက်ပျိုးသူ တောင်သူများ များပြားနေကြောင်းလည်း သိရှိရပါတယ်။
ကျောင်းကုန်းဒေသထွက် ခရမ်းသီးများကို ဝယ်လိုအား မြင့်တက်လာစေတာကတော့ မြေဆီလွှာကောင်းမွန်လှသည့် ဧရာဝတီ၏မြေပေါ်တွင် သဘာဝစိုက်ပျိုးနည်းဖြင့်သာ စိုက်ပျိုး ကြသည့် အတွက် အရသာမှာလည်း အထူးကောင်းမွန်သည့်အတွက် ဝယ်လိုအားမြင့်တက် လာခြင်း ဖြစ်ပါတယ်။ ကျောင်းကုန်းဒေသထွက် ခရမ်းသီးများအား ကျောင်းကုန်း ဈေးကွက် အပြင်၊ ပုသိမ်၊ ရေကြည်၊ မအူပင်စသည့်ဒေသတို့အပြင် ရန်ကုန်ဈေးကွက်ထံသို့လည်း တင်ပို့ ရောင်းချခြင်းဖြင့် လုပ်ငန်းရှင်များအတွက် အခြားအသစ်သော ဈေးကွက်တံခါးများကို ဖွင့်လှစ် နေနိုင်ပြီ ဖြစ်ပါ တယ်။
DOCA(ဧရာဝတီ)