ပူပြင်းသောနွေရာသီတွင် ရောင်းချနေသော ကြံရည်နှင့် ကျန်းမာရေး ရောင်းချသူအကျိုးအမြတ်ရရှိနေ

           ပူပြင်းသောနွေရာသီကာလတွင် အအေးမျိုးစုံရောင်းချသူများရှိကြပြီး  မအူပင်မြို့နယ်တွင် စိုက်ပျိုးထွက်ရှိသော ကြံခင်းများမှ ထွက်ရှိသောကြံများကို ကြိတ်စက်ဖြင့် ကြိတ်၍ ကြံရည်ရောင်းချသူများ အဆင်ပြေလုပ်ကိုင်ရောင်းချနေကြောင်း သိရသည်။

           မအူပင်မြို့ အနောင်ဘမ်ကမ်းနှင့် အရှေ့ဘက်ကမ်းရှိ ကျေးရွာတို့တွင် ကြံဝ်ပင်အများဆုံး စိုက်ပျိုးထားကြပါသည်။ ကြံပင်တွင် အဖြူမျိုး၊ အနီမျိုး၊ အဝါမျိုး(ကျောက်စိမ်း)မျိုးဟူ၍ (၃) မျိုးရှိပါကြောင်း ဒေသအနေဖြင့် အဝါမျိုး(ကျောက်စိမ်းမျိုးကိုသာ အများဆုံးစိုက်ပျိုးထားကြောင်း သိရသည်။ အဝါမျိုး(ကျောက်စိမ်း) မျိုးသည် ခုတ်ပြီးရက် (၂၀) ကြာသည့်တိုင် ကြံရည် ခမ်းခြောက်မှုမရှိဘဲ သောက်သုံးရာမှာလည်း ကျန်သောမျိုးများထက် အရသာထူး ကဲမှုရှိသည့်အတွက် ဒေသတွင်း ကြံခင်းပြတ်ဝယ်ယူရောင်းချသူများနှင့် ရန်ကုန်မြို့သို့  ကုန်စည်စီးဆင်း မှုရှိကြောင်း သိရသည်။ ကြံအနီမျိုးကို ရေကျနောက်စိုက်ချိန် အောက်တိုဘာလတွင် စိုက်ပျိုးကြပြီး ၈လအကြာ မေလပိုင်းတွင် ထွက်ရှိကြောင်းနှင့် ကြံဝါမျိုးကိုစိုက်ပျိုးရာတွင် ဇွန်လတွင် စိုက်ပျိုးပြီး ဖေဖော်ဝါရီလတွင် ထွက်ရှိပြီး နွေရာသီတွင် ရောင်းချရကြောင်း ကြံစိုက်ပျိုးသူနျားနှင့် တွေ့ဆုံမေးမြန်းမှုအရ သိရသည်၊

           ကြံစိုက်ပျိုးမှုသည် စိုက်ပျိုးသူ ရောင်းချသူ တွက်ချေကိုက်သော သီးနှံတစ်မျိုးလဲဖြစ်ကြောင်း ကြံစိုက်ပျိုးသူ(၁)ဦးထံ မှသိရသည်။ ကြံစိုက်ပျိုးရန် ကုန်ကျစရိတ်အနေဖြင့် အပင် ၆၀၀ စိုက်ပျိုးပါက ငွေကျပ် ၄၀၀၀၀၀/-ကုန်ကျပြီး အပင်ထွက်ရှိမှုအနေဖြင့် ၂၀၀၀ ခန့်ပွား၍ ထွက်ရှိကြောင်း သိရသည်။ ကြံ၁ပင်ကို ရောင်းချပါက ၈၀၀/-ကျပ်ဖြင့် ဖောက်သည်ရောင်းချပြီး အချောင်း ၂၀စီး၍ ၁စီးလျှင် ငွေကျပ် ငွေကျပ် ၁၆၀၀၀ နှုန်းဖြင့်ရောင်းချရသည်။ ကြံရည်ရောင်းချသူမှ သုံးတောင်ထွာ ကြံတစ်ချောင်း ကို ကြံရည်ကြိတ်ခုံတင်ပါက ကြံရည် ၂ ခွက်ခွဲ သို့မဟုတ် ၃ ခွက်ရရှိကြောင်း လေးတောင်ထွာ ကြံ တစ်ချောင်းကို ကြံရည်ကြိတ်ခုံတင်ပါက ၃ ခွက် သို့မဟုတ် ၄ ခွက် ရရှိပြီး ကြံရည်တစ်ခွက်ရောင်း ဈေးအနေဖြင့် ၀.၅ လီတာ (၁) ခွက်လျှင် ကျပ် ၁၀၀၀ ရောင်းချလျက်ရှိ ကြံတစ်စီးကို ကြံရည်ရောင်းချမှု အကျိုးအမြတ် ၂၅၀၀၀ကျပ်ရရှိ၍ ၉၀၀၀ ကျပ်အမြတ်ကျန်ရှိကြောင်း မအူပင် ၃လမ်းတွင် ကြံရည်ရောင်းချသူ ဦးဟာတင်ပြောပြချက်အရ သိရသည်။  ကြံရည်ဟာ သင့်သွားအလှနှင့် ကျန်းမာရေးကိုပါ ထိန်းသိမ်းပေးပြီး သင့်သွားတွေ တောင်ပြောင်စေဖိုနဲ့ ပိုးစားခြင်းမှ ကာကွယ်ပေးခြင်းတို့ကို လုပ်ဆောင်ပေးနိုင်သဖြင့် သောက်သုံသင့်သော အအေးတစ်ခုဖြစ်ကြောင်း သိရှိရပါသည်။

DOCA(ဧရာဝတီ)