မန္တလေးတိုင်းဒေသကြီး ၊ ကျောက်ဆည်ခရိုင် ၊ ကျောက်ဆည်မြို့နယ်သည် ရှေးယခင်က တည်းကပင် ဆည်မြောင်း ၊ ချောင်းကန်ပေါများသည့် ဒေသဖြစ်သည့်နှင့်အညီ စိုက်ပျိုးရေးကို အဓိကထားဆောင်ရွက်လျက်ရှိရာ ပင်တလည်ကျေးရွာသည် ပန်းမုံလာပင်များကို အများဆုံး စိုက်ပျိုးဖြစ်ထွန်း အောင်မြင်လျက်ရှိကြောင်းသိရှိရသည်။ပန်းမုံလာကို ရေရှိမှုလွယ်ကူသည့် မြစ်ဘေး ၊ မြောင်းဘေးရှိ သဲနှုန်းစံသည့် မြေတွင်စိုက်ပျိုးပါကပိုမိုဖြစ်ထွန်းကြောင်းသိရှိရပါသည်။ ပန်းမုံလာစိုက် ပျိုးမည်ဆိုပါက မြေယာပြုပြင်ခြင်း၊ မျိုးစေ့၊ ဆေးဖြန်းခြင်း၊ မြေဆီကျွေးခြင်း၊ ပေါင်းသင်မြေဆွခြင်း များပြုလုပ်ပေးရကြောင်း၊ ပန်းမုံလာ တစ်ဧကကုန်ကျစရိတ်အနေဖြင့် (၆၀၀၀၀၀-၇၀၀၀၀၀)ကျပ်ခန့် ကုန်ကျကြောင်း ၊ ပန်းမုံလာ တစ်ဧကလျှင် အပင်(၁၅၀၀)ခန့် စိုက်ပျိုးရကြောင်း၊ ပုန်းမုံလာကို အစောစိုက်ပျိုးလျှင် (အောက်တိုဘာလ)တွင် စိုက်ပျိုးပြီး (ဒီဇင်ဘာလ) ကုန်တွင် ပန်းမုံလာအပွင့်များ ရောင်းချ၍ရနိုင်ကြောင်း၊ ပန်းမုံလာကို ဘောင်စနစ် ဖြင့် စိုက်ပျိုးပါက ရေသွင်းမှု လွယ်ကူကြောင်း သိရှိရသည်။ ပန်းမုံလာပေါ်ချိန်တွင် ပွဲစားများသည် စိုက်ခင်းအထိလာရောက်ပြီး အခင်းပြတ်ဝယ်ယူ ကြကြောင်း၊ ပန်းမုံလာ တစ်ပွင့်လျှင်(၁၀၀၀)ကျပ်နှုန်းဖြင့် တစ်ဧကလျှင် (၁၅)သိန်းဖြင့် အရောင်း အဝယ်ဖြစ်နေကြောင်းသိရှိရပါသည် ။ တစ်ဧက အကျိုးအမြတ်အနေဖြင့် (၈၀၀၀၀၀)ကျပ်ခန့် ရရှိ ကြောင်းသိရှိရပါသည်။ ပွဲစားများသည် ပန်းမုံလာကို ကျောက်ဆည် ၊ မန္တလေးမြို့များသို့ တင်ပို့ ရောင်းချကြောင်း၊ ပန်းမုံလာလက်လီဈေး အနေဖြင့် အပွင့်ကြီး တစ်ပွင့်လျင်(၅၀၀)ကျပ်ဖြင့် ရောင်းချ ကြောင်းသိရှိရပါသည်။ ပန်းမုံလာ စိုက်ပျိုးသောတောင်သူများသည် ယခုနှစ်တွင် အကျိုးအမြတ်ရရှိ သည့်ပန်းမုံလာကိုလာမည့်နှစ် တွင်ပိုမိုစိုက်ပျိုးသွားမည်ဖြစ်ကြောင်းသိရှိရပါသည်။
DOCA(မန္တလေး)