လပွတ္တာမြို့နယ်မှ ရန်ကုန်ဈေးကွက်သို့ ငါးတန်ပိဿာချိန် ၇၄,၀၀၀ ထိ တင်ပို့၍ ရောင်းချ နိုင်ခဲ့ကြောင်းသိရှိရပြီး အဆိုပါရောင်းချနိုင်မှုသည် မြန်မာနိုင်ငံ၏ ရေထွက်ကုန်ထွက်ရှိမှု တိုးတက် လာခြင်း နှင့်အတူ စီးပွားရေးကဏ္ဍအတွင်း ရေထွက်ကုန်များအတွက် စျေးကွက်တိုးချဲ့မှုသည် အရေးပါ ကြောင်း ထင်ရှားစွာ ပြသနေပါတယ်။ ဤအောင်မြင်မှုသည် နိုင်ငံအတွင်း ရေထွက်ကုန်လုပ်ငန်း၏ ဖွံ့ဖြိုးတိုးတက်မှုနှင့် ပြည်တွင်းဈေးကွက်တွင် လိုအပ်ချက်များကို ဖြည့်ဆည်းနိုင်မှုကိုလည်း ပြသ နိုင်ခြင်း ဖြစ်ပါတယ်။
ထုတ်လုပ်မှုတိုးတက်လာခြင်းကြောင့် ရေထွက်ကုန်ထုတ်လုပ်သူများအတွက် ဝင်ငွေတိုးလာ စေနိုင်သည့် အပြင် ဒေသတွင်း စီးပွားရေးဖွံ့ဖြိုးမှုအတွက်လည်း အထောက်အကူဖြစ်စေပါတယ်။ ၂၀၂၅ ခုနှစ် ဖေဖော်ဝါရီလ အတွင်းတွင် လပွတ္တာမြို့နယ်မှ ရေထွက်ကုန်ပစ္စည်းများကို ရန်ကုန်ဈေးကွက်သို့ တန်ပိဿာချိန် ၇၄,၀၀၀ ခန့် တင်ပို့ရောင်းချနိုင်ခဲ့ကြောင်းကို ရေထွက်ကုန် ရောင်းဝယ်ရေး ပွဲရုံပိုင်ရှင် များထံမှ သိရှိရပါတယ်။ ယခုတင်ပို့မှုအရေအတွက်ကို ယခင်နှစ်များနှင့် နှိုင်းယှဉ်ကြည့်လျှင်၊ ၂၀၂၄ ခုနှစ် ဇန်နဝါရီလအတွင်း တင်ပို့ရောင်းချခဲ့သော ငါးပမာဏမှာ တန်ပိဿာချိန် ၅၅,၀၀၀ ခန့်သာရှိခဲ့ပြီး ယခုနှစ် ၂၀၂၅ ခုနှစ်တွင် တင်ပို့မှု တိုးတက်လာခြင်းသည် ရေထွက်ကုန်ထုတ်လုပ်မှု အခြေအနေ ကောင်း မွန်လာခြင်းနှင့် တပြေးညီ၊ စီးပွားရေးလုပ်ငန်းများအတွက် အခွင့်အလမ်းများ တိုးလာမှုကို လည်း ပြသနေသည်ဟုဆိုနိုင်ပါတယ်။ လပွတ္တာမှထွက်ရှိသော ငါးများကို ရန်ကုန်ဈေးကွက်သို့ တင်ပို့ လျက်ရှိရာ ငါးတန်များ၏ အရောင်းအဝယ် အကောင်းဆုံးဖြစ်ခဲ့ပြီး ငါးတန်ပိဿာချိန် ၁၀ တွင် ငွေကျပ် ၁၀၅၀၀၀ ထိ အရောင်းတန်ဖိုးရှိကြောင်း သိရှိရပါသည်။
DOCA(ဧရာဝတီ)