ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ စားသုံး/ထုတ်လုံဌာနခွဲတာဝန်ခံ ဦးမင်းဇော်နှင့် တောင်ငူမြို့နယ်တာဝန်ခံ ဦးမြင့်သူတို့သည် ဇွန်လ ၁၆ ရက် နံနက်ပိုင်းက တောင်ငူ မြို့၊ အမှတ် ၂၁ ရပ်ကွက်၊ နတ်သျှင်နောင်လမ်းရှိ Golden Bean အမှတ်တံဆိပ် စားသုံးဆီများဖြန့်ဖြူးသည့် STMN Co.Ltd သို့ သွားရောက်ပြီး မန်နေဂျာ ဦးသောင်းထွန်းနှင့်တွေ့ဆုံ၍ ဈေးကွက်စောင့်ကြည့်လေ့လာခြင်းကို ဆောင်ရွက်ခဲ့ပါသည်။
Golden Bean အမှတ်တံဆိပ် စားသုံးဆီများကို ရန်ကုန်မြို့တွင်ထုတ်လုပ်ပြီး တောင်ငူမြို့ရှိ ကုမ္ပဏီရုံးခွဲတွင် ဖြန့်ဖြူခြင်း ဖြစ်ပါသည်။ စားအုန်းဆီ ၈၀%၊ မြေပဲဆီ ၁၀% နှင့် နေကြာဆီ ၁၀% ပါဝင်ကြောင်း ကုန်အညွှန်းအမှတ်အသားတွင် ဖော်ပြချက်အရ သိရှိရပါသည်။ ၎င်းဆီတွင် ဖော်ပြ ထားသောကုန်အညွှန်းအမှတ်အသားသည် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ညွှန်ကြားချက်အမှတ် ၁/၂၀၂၁ နှင့်အညီဖော်ပြရန်လိုအပ်နေသေးကြောင်း တွေ့ရှိရပါသဖြင့် ညွှန်ကြားချက်နှင့်အညီ လိုက်နာဆောင်ရွက်ရန် အသိပေးဆွေးနွေးခဲ့ကြောင်း သိရှိရပါသည်။
DOCA(ပဲခူး)