ယခုအခါပြည်ဈေးကွက်အတွင်းသို့ မန်ကျည်းရွက်နုများ ဝင်ရောက်၍ အရောင်း အဝယ်ဖြစ်လျက်ရှိပါသည်။ တပေါင်းလဖြစ်၍ မန်ကျည်းရွက်များ ရွက်နုများဝေချိန် မန်ကျည်းရွက် ပေါ်ခါစ ရှားပါးကာဈေးကောင်းရလျက်ရှိပါသည်။ ပြည်မြို့အရှေ့ဘက်ရှိ နတ္တလင်းရွာ၊ ထန်းပေါက်၊ မှော်ဇာနှင့် ပြည်မြို့အနောက်ဘက်ကမ်းရှိ သစ်စိမ့်ပင်၊ ရွှေဘုံသာ၊ မန်ကျည်းစုရွာများမှ တစ်ပတ်လျှင် ရက်ခြားဝင်ရောက်မှုရှိပြီး တစ်ခါဝင်ရောက်လျှင် (၅)ပိဿာခန့်သာ ဝင်ရောက်မှုရှိပါသည်။ ပြည်ဈေး ကွက်တွင်ရောင်းချသော မန်ကျည်းရွက်နုဈေးမှာ (၁၀)သားကျပ်သားလျှင် ယခင်နှစ်က (၇၀၀-၈၀၀) ကျပ်ရှိပြီး ယခုအခါ (၁၀)သားလျှင် (၂၀၀၀)ကျပ်ခန့် ရောင်းချကြောင်းသိရပါသည်။ ထို့ကြောင့် မန်ကျည်းရွက်နုဈေးမှာ ယခုနှစ်တွင် ဈေးအနည်းမြင့်တက်လာသည်ဟု သိရှိရပါသည်။
DOCA(ပဲခူး)