ဧရာဝတီတိုင်းဒေသကြီး ၊ ကျောင်းကုန်းမြို့နယ်မှ ရန်ကုန်ဈေးကွက်သို့ ဇန်နဝါရီလအတွင်း၌ ဗိုလ်ကိတ်ပဲ(၁၆) ပြည်အိတ်ဝင်(၄၅၀၀၀)အထိ တင်ပို့နိုင်ခဲ့သော်လည်း ဖေဖော်ဝါရီလအတွင်း ဗိုလ် ကိတ်ပဲ (၁၆) ပြည်အိတ်ဝင်(၆၅၀၀၀) အထိ တင်ပို့နိုင်ခဲ့ကြောင်းကိုပဲမျိုးစုံ ရောင်းဝယ်ရေး ပွဲရုံပိုင်ရှင်များထံမှ သိရှိရပါတယ်။ ကျောင်းကုန်းဒေသထွက် ဗိုလ်ကိတ်ပဲများသည် အရည်အသွေးကောင်းရုံသာမက အရသာရှိလှသည့်အတွက် ရန်ကုန်ဈေးကွက်မှ အဝယ်များပြီး ဗိုလ်ကိတ်ပဲ(၁၆) ပြည်ဝင် တစ်အိတ်လျှင် ငွေကျပ်(၁၁၅၀၀၀) အထိ ပေါက်ဈေးရှိနေကြောင်း သိရှိရပါတယ်။
DOCA(ဧရာဝတီ)