ရာသီမရွေးဈေးထဲမှာ အလွယ်တကူဝယ်လို့ရတဲ့ ဟင်းနုနယ်ရွက်ကို သံဓာတ်ပေါကြွယ်ဝတယ်လို့ လူသိများကြောင်း သိရပါတယ်။ ဟင်းနုနယ်ရွက်ကို ကြော် ၊ ချက် ၊ ဟင်းချိုချက် စားရုံသာမက အသုပ်အဖြစ်လည်း သုပ်စားတဲ့အရွက်အဖြစ် လူတိုင်းနှစ်သက်စွာ စားသုံးကြပါသည်။ ဟင်းနုနယ်ရွက်သည် ဂျုံထက် အမျှင်ဓာတ်ပမာဏ (၃) ဆပိုမိုပါဝင်လို့ အစာကြေညက် လွယ်ကူစေပြီး ဝမ်းချုပ်ခြင်းကင်းဝေးစေကြောင်း သိရှိရသည်။ မြင်းခြံမြို့ အေးမြသီတာဈေးတွင် ကုန်စိမ်းရောင်းသူတစ်ဦး၏ ပြောပြချက်အရ ဟင်းနုနယ်ရွက် ဈေးနှုန်းမှာ (၂၅)ကျပ်သားလျှင် (၁၀၀၀) ကျပ်ဖြင့် ရောင်းချကြောင်း ၊ အိမ်ရှင်မများ ဟင်းချက်ရာတွင်လည်းကောင်း၊ ထမင်းဆိုင်များမှလည်းကောင်း ဝယ်ယူအသုံးကြသဖြင့် အရောင်းအဝယ်သွက်လျက်ရှိကြောင်း သိရပါသည်။
DOCA(မန္တလေး)