ဧရာဝတီတိုင်းဒေသကြီး မြောင်းမြခရိုင်၊ ဖျာပုံခရိုင်ခရိုင်တို့တွင် ကွမ်းသီးပင်များ အများဆုံး စိုက်ပျိုးလျက်ရှိပြီး ထွက်ရှိလာသော ကွမ်သီးအရင့်များကို ပြည်တွင်းတွင် သုံးစွဲလျက် ကွမ်းသီးအနု(အရည်သောက်) များကို ပြည်ပဈေးကွက်သို့ တင်ပို့ရောင်းချလျက်ရှိကြောင်း ယခင်နှစ် ကွမ်းသီးအနု(အရည်သောက်)ဈေးနှုန်းမှာ တစ်ပိဿာလျှင် ကျပ် ၃၃၀ဝိ/- ဈေးနှုန်းသာရှိ၍ ယခုနှစ်တွင် တစ်ပိဿာလျှင် ကျပ် ၅၂၀ဝိ/- ဈေးရရှိသဖြင့် ယခင်နှစ်ထက် တစ်ပိဿာ ၂၀၀၀ ကျပ် ဝန်းကျင် ဈေးနှုန်းပိုမိုရရှိပြီး ကွမ်းသီးစိုက်ပျိုးသော တောင်သူများ ဈေးကောင်းရလျှက်ရှိကြောင်း ဈေးကွက်မှသိရသည်၊၊
ကွမ်းသီးအနုထွက်ရှိချိန် မတ်လ ဈေးကွက်အတွင်း စတင်ဝင်ရောက်မှုရှိသော်လည်း ဇွန်၊ ဇူလိုင်လများတွင် အသီးလှိုင်လှိုင်ဝင်၍ ဩဂုတ်လရောက်လျှင် ကွမ်းသီးအနု မထွက်ရှိသောကြောင့် အရောင်းအဝယ်ရာသီပြီးဆုံးသွားကြောင်း ကွမ်းသီးအနုထွက်ရှိချိန် တရုတ်ဝယ်လက်များမှ မြောင်းမြမြို့ပေါ်တွင် ကိုယ်စားလှယ်ထားရှိပြီး အဝယ်ဒိုင်များဖွင့်လှစ်ဝယ်ယူ၍ ကျေးရွာများရှိ လက်လီဒိုင်ခွဲ ၃၀/၄၀ မှ လာရောက်ရောင်းချလျက်ရှိကြောင်း သိရသည်၊၊
ကွမ်းသီးအနုဝယ်ယူရာတွင် ကွမ်းသီးအဝိုင်းဝယ်ယူမှုမရှိပဲ ဒေသအခေါ် ဘဲဥချွန်း၊ ကပ်ချွန်း၊ မျှောချွန်းပုံစံရှိသော အလေးချိန် ၁၉ ဂရမ်နှင့် ၃၇ ဂရမ်အတွင်းရှိ ကွမ်းသီးအစိမ်းရောင်အနုကိုသာ ဝယ်ယူပြီး အဝါရောင်ရှိသော ကွမ်းသီးများကို ဝယ်ယူမှုမရှိကြောင်း ကွမ်းသီးအနုအရောင်းအဝယ် ဖြစ်သည့် ကာလများတွင် ကွမ်းပင်တက်သောဒေသခံများမှာ မြောင်းမြခရိုင်၊ ဖျာပုံခရိုင်အတွင်း မြို့နယ် များနှင့် အခြားမြို့နယ်များရှိ ကွမ်းစိုက်ပျိုးသောတောင်သူများ၏ စိုက်ခင်းများသို့ ဈေးကွက်ဝင်သော ကွမ်းသီးအနုများကို လိုက်လံဝယ်ယူကာ လက်လီအဝယ်ဒိုင်ခွဲများသို့ လာရောက် ရောင်းချလျက် အလုပ်အကိုင် အခွင့်အလမ်းများရရှိပြီး တစ်နေ့ဝင်ငွေကျပ် ၁၅၀၀ဝိ/- ၂၀၀၀ဝိ/- ဝန်းကျင်ရရှိနေကြောင်း သိရသည်၊၊
ဧရာဝတီတိုင်းဒေသကြီးအတွင်း ကွမ်းသီးစိုက်ဧက ၂၁၈၆၂ ရှိပြီး မြောင်းမြခရိုင်တွင် ၃၅၆၉ ဧက နှင့် ဖျာပုံခရိုင်တွင် ၁၁၆၃၂ ဧက စိုက်ပျိုးလျက် ထွက်ရှိလာသောကွမ်းသီးအနုများကို တရုတ်နိုင်ငံမှ ဝယ်ယူလျက်ရှိပြီး မြောင်းမြမြို့ပေါ် အဝယ်ဒိုင်များမှဝယ်ယူ၍ ကွမ်းသီးအနု တစ်အိတ်လျှင် ပိဿာ ၃၀ ထည့်သွင်းပြီး တစ်ဒိုင်လျှင် နေ့စဉ် တစ်နေ့ အိတ်ရေ ၂၀၀ နှင့် ၃၀၀ အထက် ရန်ကုန်မြို့သို့ တင်ပို့လျက် ထန်းတပင်၊ လှိုင်သာယာ စက်ရုံများတွင် ကွမ်းသီးအနုများကို ပြုတ်၍ တရုတ်နိုင်ငံသို့တင်ပို့လျက်ရှိပြီး တရုတ်နိုင်ငံတွင် အဆိုပါ ကွမ်းသီးအနုများကို ပြန်ပေါင်း၍ ကုန်ချောပြုလုပ်ကာ ပီကေအစား သုံးစွဲလျက်ရှိကြောင်း သိရသည်၊၊
DOCA(ဧရာဝတီ)