မန္တလေးမြို့ဈေးကွက်အတွင်း ကျောက်ဆည်၊ မြင်းခြံ၊ မိတ္ထီလာမြို့နယ်မှ ဝင်ရောက်လာသည့် ထန်းသီးများ အရောင်းအဝယ် သွက်လျက်ရှိကြောင်း သိရသည်။ အဆိုပါထန်းသီးများကို ယခုရာသီကာလတွင် ကျောက်ဆည်၊ မြင်းခြံ၊ မိတ္ထီလာမြို့နယ် ထန်းစိုက်တောင်သူများထံမှ မှာယူ၍ ရောင်းချခြင်းဖြစ်ပြီး ထန်းသီးတစ်လုံးလျှင် ၅၀၀ ကျပ်နှုန်း၊ တစ်ထောင်ကျပ်ဖိုး ဝယ်ယူလျှင် သုံးလုံးနှုန်းဖြင့်လည်းကောင်း၊ ထန်းသီးဆံ သီးသန့်ဝယ်ယူလိုသူများအတွက် တစ်ထောင်ကျပ် ဖိုးလျှင် ၅ ဆံမှ ၆ ဆံအထိ ရောင်းချပေးနေကြောင်း သိရသည်။ ထန်းသီးတစ်ခိုင်လျှင် ထန်းသီး အလုံးရေ ၁၈ လုံးမှ ၂၅ လုံးအထိ ထွက်ရှိပြီး အလုံးရေပေါ်မူတည်၍ တစ်ခိုင်လျှင် ငွေကျပ် ၅၀၀၀ မှ ၈၀၀၀ ကျပ်နှုန်းအထိ ရောင်းချရကြောင်း၊ ယခင်နှစ်များက ထန်းသီးပေါ်ချိန်တွင် လားရှိုး၊ မူဆယ်၊ ဖားကန့်နှင့် ပြင်ဦးလွင်မြို့များမှ အခိုင်လိုက် လာရောက်ဝယ်ယူမှုများရှိကြောင်း သိရသည်။
DOCA(မန္တလေး)