စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင်၊ ဖြန့်ဖြူးခြင်း လုပ်ငန်းကြီးကြပ်ရေးကော်မတီကို ဖွဲ့စည်းပြီး ပြည်ပမှတင်သွင်းလာသည့် စားသုံးဆီများ သတ်မှတ်အရည်အသွေး၊ စံချိန်စံညွှန်းများနှင့် ပြည့်မှီစေရေး စားသုံးသူပြည်သူများ ကျန်းမာရေးနှင့် ညီညွှတ်သော စားသုံးဆီများကို သုံးစွဲနိုင်ရေး၊ စျေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး၊ စားအုန်းဆီကမ္ဘာ့ဈေးနှုန်း ဖြစ်ပေါ် ပြောင်းလဲမှုနှင့်အညီ ပြည်တွင်း၌ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်း ဆောင်ရွက်လျှက်ရှိရာ မကွေးတိုင်းဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် မကွေးခရိုင် ဦးစီးမှူး၊ ဒေါ်တင်တင်လှ(လက်ထောက်ညွှန်ကြားရေးမှူး)နှင့် ဝန်ထမ်းများသည် First Top Co.ltd မှ ဝယ်ယူရရှိသော ဆီပေပါ(၁၆၀)ကို တစ်ရက်လျှင်ဆီ(၂၀)ပေပါနှုန်းဖြင့် (၂၀.၆.၂၀၂၂)ရက်နေ့မှ (၂၃.၆.၂၀၂၂) ရက်နေ့အထိ (၈၀)ပေပါ (၈၈၀၀)ပိဿာကို လူတစ်ဦးလျှင် တစ်ပိဿာ (၆၀၀ဝိ/-)ဈေးနှုန်းဖြင့် မကျီးကန် ကျေးရွာ၊ ဆားတိုင်ကန်ကျေးရွာနှင့် နွားကူးကျေးရွာများရှိ ပြည်သူများကို ရောင်းချပေးနေမှုအား ကွင်းဆင်း ကြီးကြပ်ပူးပေါင်းဆောင်ရွက်ခဲ့ပါသည်။
ထိုသို့ကွင်းဆင်းကြီးကြပ်ရာ၌ စားသုံးသူပြည်သူများ၊ အဆင်ပြေချောမွေ့စွာ ဝယ်ယူနိုင်ရေး စားအုန်းဆီစျေးနှုန်းများ မှန်ကန်စေရေး ၊ အလေးချိန်ပြည့်ဝမှန်ကန်မှုရှိစေရေး၊ စားအုန်းဆီဝယ်ယူ ရာတွင် တန်းစီစနစ်ဖြင့် စနစ်တကျရှိစေရေးနှင့် စားအုန်းဆီများ သယ်ယူဖြန့်ဖြူးရာတွင် ဌာနမှ သတ်မှတ်ထားသည့် စားသုံးသူပြည်သူများ ဘေးအန္တရာယ်ကင်းရှင်းစေရေးအတွက် Food Grade အဆင့် ရှိ Yellow Colour Drum ၊ Clean Drumများ ပြောင်းလဲအသုံးပြုကြရန်နှင့် မြေလတ်သား အသင်းစုအား စားသုံးသူပြည်သူများ သက်သာချောင်ချိရေးအတွက် နိုင်ငံတော်အစိုးရနှင့်အတူ တစ်ဘက်တစ်လမ်းမှ ပူးပေါင်းဆောင်ရွက်မှုအတွက် ဌာနမှအသိအမှတ်ပြုကျေးဇူးတင်ရှိပါကြောင်း စနစ်တကျ မှန်မှန်ကန်ကန်ရောင်းချပေးခြင်းဖြင့် အတ္တပရမျှပါကြောင်း အသိပေးရှင်းလင်းဆွေးနွေးခဲ့ပါသည်။
DOCA( မကွေး )