“မတ်လကုန်ဧပြီလဆန်းမှစတင်၍မိုးမြေပဲများစိုက်ပျိုးလျက်ရှိ”

မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်သော ကြောင့် သီးနှံမျိုးစုံစိုက်ပျိုး ဖြစ်ထွန်းလျက်ရှိရာ စားဖိုဆောင်သီးနှံများဖြစ်သော ငရုတ် ၊ ကြက်သွန် သီးနှံများအပြင် ဆီထွက်သီးနှံများဖြစ်သော နေကြာ ၊ နှမ်း ၊ မြေပဲတို့ကိုလည်း စိုက်ပျိုးလျက်ရှိပါသည်။ ၄င်းသီးနှံများအနက် ဈေးကွက်ဝယ်လိုအားရှိသော မြေပဲသီးနှံကိုလည်း စီးပွားဖြစ်တိုးချဲ့စိုက်ပျိုး လာကြပါသည် ။ မတ်လကုန် ဧပြီလဆန်းမှ စတင်၍ မိုးမြေပဲများ စတင်စိုက်ပျိုးလျက်ရှိပါသည် ။ မိုးမြေပဲစိုက်ပျိုးရာတွင် စိုက်ကြောင်းဆွဲ အစေ့/အတောင့် ထယ်ဖုံးစနစ်ဖြင့် စိုက်ပျိုးကြကြောင်း၊ မိုးမြေပဲစိုက်ပျိုးမှု မျိုးအနေဖြင့် ပင်ပြန့်မျိုးပွားများကိုသာ အများဆုံးစိုက်ပျိုးကြကြောင်း ၊ တစ်ဧက စိုက်ပျိုးမှု မျိုးအတောင့်(၄)တင်း စိုက်ပျိုးရပြီး မြေပဲအဆံ(၂၄)ပြည်ခန့်စိုက်ပျိုးကြကြောင်း ၊ တစ်ဧက စိုက်ပျိုးမှုကုန်ကျစရိတ်အနေဖြင့် မျိုးသွင်းအားစု၊ လုပ်သားခအပါအဝင် စုစုပေါင်း(၅၅၀၀၀၀)ကျပ်ခန့် ကုန်ကျကြောင်း၊ မိုးမြေပဲစိုက်ပျိုးမှုတွင် ဇူလိုင်လနှင့် ဩဂုတ်လများမှာ စတင်ထွက်ရှိမှာဖြစ်ကြောင်း၊ တစ်ဧက အထွက်နှုန်းအနေဖြင့် ခန့်မှန်း(၅၀)တင်းခန့် ထွက်ရှိနိုင်ကြောင်း ၊ မိုးမြေပဲ အများဆုံး စိုက်ပျိုးသောရွာများမှာ မြစ်သားမြို့နယ်တွင် ညောင်ဝန်း ၊ ရိုးကန် ၊ ဆီဆုံကန်ရွာများတွင် အများဆုံး စိုက်ပျိုးကြကြောင်း ၊ ယခင်နှစ်မြေပဲဈေးနှုန်းအနေဖြင့် မြေပဲတောင့်တစ်တင်းလျှင် (၃၄၀၀၀)ကျပ်၊ မြေပဲဆံ(၁)ပိဿာလျှင်(၇၅၀၀၀)ကျပ် ၊ မြေပဲဆီတစ်ပိဿာလျှင်(၁၆၀၀၀)ကျပ်ဖြင့် ရောင်းဝယ်ခဲ့ပြီး ယခုလက်ရှိ ပေါက်ဈေးအနေဖြင့်  မြေပဲတောင့်တစ်တင်းလျှင်(၃၆၀၀၀)ကျပ်၊ မြေပဲဆံ တစ်ပိဿာလျှင် (၉၀၀၀)ကျပ် ၊ မြေပဲဆီတစ်ပိဿာလျှင်(၁၉၀၀၀)ကျပ်ဖြင့် ရောင်းဝယ်လျက်ရှိကြောင်း ၊ ဈေးကွက် အနေဖြင့် မြေပဲပေါ်ချိန်များတွင် ပွဲစားများမှ စိုက်ခင်းအထိလာရောက်ဝယ်ယူကြသလို တောင်သူ များမှအခြောက်ခံကာ မြို့ပေါ်ပွဲရုံများသို့ တိုက်ရိုက်တင်ပို့ရောင်းချကြကြောင်း ၊ ပွဲရုံများမှတစ်ဆင့် ရန်ကုန်၊ မန္တလေးမြို့များသို့ တင်ပို့ရောင်းချကြကြောင်း သိရှိရသည်။  

DOCA(မန္တလေး)