မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် အညာတောင်သူ များ၏ အဓိကစိုက်ပျိုးသီးနှံများအနက် တစ်ခုဖြစ်သည့် ပဲစဉ်းငုံသီးနှံကို နှစ်စဉ် မြေပဲ၊ နှမ်းသီးနှံတို့နှင့် ရော၍လည်းကောင်း၊ အခြားသီးနှံများဖြစ်သည့် ပြောင်း၊ ပဲတီစိမ်းတို့ကိုလည်း သီးညှပ်အဖြစ် စိုက်ပျိုးကြ၍ ပြောင်းသီးနှံကို နွားစာအဖြစ်သာ စိုက်ပျိုးကြကြောင်း သိရသည်။ ပဲစဉ်းငုံသီးနှံ သီးသန့်လည်းစိုက်ပျိုးကြသည်။ အဆိုပါ နှမ်းသီးနှံနှင့် မြေပဲသီးနှံများ သိမ်းဆည်းပြီးချိန် ဒီဇင်ဘာလ နောက်ဆုံးပတ်တွင် တစ်နှစ်စာတွက် နောက်ဆုံးကျန်ရှိသည့် ပဲစဉ်းငုံကို စတင်ရိတ်သိမ်းလေ့ရှိသည်။ ၂၀၂၄-၂၀၂၅ ခုနှစ်တွင် တစ်မြို့နယ်လုံးအတိုင်းအတာဖြင့် (၇၅၄၂၇) ဧက စိုက်ပျိုးရန်လျာထားခဲ့ သော်လည်း ၂၀၂၃-၂၀၂၄ ခုနှစ်က ဈေးကောင်းရရှိခဲ့မှုကြောင့် (၈၄၆၆၆) ဧကစိုက်ပျိုးခဲ့ပြီး လျာထား ဧကထက် (၉၂၃၉)ဧက ပိုမိုစိုက်ပျိုးခဲ့ပြီး (၈၄၆၆၆)ဧက ရိတ်သိမ်းခဲ့ရာ အထွက်နှုန်း (၁၁.၄၇) တင်းထွက်ရှိ၍ အထွက်စုစုပေါင်း (၉၇၁၁၉) တင်းထွက်ရှိကြောင်း၊ ကျောက်ပန်းတောင်းမြို့နယ် တွင်းရှိ တောင်းသူများသည် ကျေးရွာတွင်းရှိ ပွဲရုံနှင့် မြို့ပေါ်ရှိပွဲရုံများသို့ လာရောက်ရောင်းဝယ် လျက်ရှိကြောင်း၊ ပဲစဉ်းငုံ(၁)တင်းလျှင် (၉၃၀၀၀)မှ(၉၈၀၀၀) ကျပ်နှုန်းဖြင့် အရောင်းအဝယ်ဖြစ် ကြကြောင်း၊ ပဲစဉ်းငုံတစ်ဧကစိုက်ပျိုးလျှင် ကုန်ကျစရိတ် (၅၈၇၀၀၀)ကျပ်ခန့် ကုန်ကျသဖြင့် တောင်သူအနေဖြင့် တစ်ဧကလျှင် (၄၇၉၇၀၀) ကျပ်ခန့် အကျိုးအမြတ်ပါကြောင်း၊ ၂၀၂၄-၂၀၂၅ခုနှစ် ပဲစဉ်းငုံကုန်သည်လက်ကျန် တင်းတစ်သိန်းခွဲမှ နှစ်သိန်းထိရှိကြောင်း ၊ ယခင်လထက်ဈေးအနည်း ငယ်မြင့်လာသည့်အတွက် ပိုမိုအရောင်းအဝယ်ဖြစ်လျက်ရှိကြောင်း၊ ကျောက်ပန်းတောင်မြို့ အညာ တောင်သူများသည် ပဲစဉ်းငုံကို ဒေသခေါ် ကိုင်းတရာမျိုးနှင့် မုံရွာရွှေဒင်္ဂါးမျိုးတို့ကို အဓိကစိုက်ပျိုး ကြကြောင်း၊ ပဲစဉ်းငုံသီးနှံကို ပြည်တွင်းသုံးစွဲရန်သာမက ပြည်ပဈေးကွက်သို့တင်ပို့ ရောင်းချနိုင်ရန် အတွက် အားထားစိုက်ပျိုးကြကြောင်း၊ ပဲစဉ်းငုံသီးနှံမှထွက်ရှိသော အခွံ၊ အမှော်များကို တိရစ္ဆာန် အစာအဖြစ်အသုံးပြုကြသလို ပဲစဉ်းငုံအရိုးများကိုလောင်စာအဖြစ် အသုံးပြုကြကြောင်း၊ စိုက်ပျိုး စရိတ်ကုန်ကျငွေသည် အခြားသီးနှံများထက် အနည်းငယ်သက်သာသလို ပဲစဉ်းငုံ၏ ပဲဆံ၊ အခွံ၊ အမှော်၊ အရိုးများအားလုံးအသုံးပြုရခြင်း နိုင်ငံခြားဝင်ငွေရှာဖွေနိုင်ခြင်း စသည်တို့ကြောင့် အညာ တောင်သူများက ပဲစဉ်းငုံသီးနှံကို နှစ်စဉ်စိုက်ပျိုးလေ့ရှိကြောင်း သိရသည်။
DOCA(မန္တလေး)