မိတ္ထီလာမြို့နယ်၌ လယ်ယာစိုက်ပျိုးရေးကဏ္ဍတွင် သီးနှံမျိုးစုံစိုက်ပျိုးကြသည့်အပြင် တစ်နိုင် တပိုင်မွေးမြူရေးလုပ်ငန်းများလည်းလုပ်ကိုင်ကြပါသည်။ စိုက်ပျိုးရေးလုပ်ငန်းများမှ ထွက်ရှိသည့် ထုတ်ကုန်များမှ ထုတ်လုပ်သည့်ပစ္စည်းများကို ဒေသတွင်းမွေးမြူသည့် နွား၊ဆိတ်၊ ကြက်၊ ဝက် အစရှိသည့် မွေးမြူရေး လုပ်ငန်းများ၌ တိရိစ္ဆာန်အစာအဖြစ်အသုံးပြုကြပါသည်။
ဒေသတွင်း စိုက်ပျိုးရေးလုပ်ငန်းများမှ ထွက်ရှိလာသည့် ထုတ်ကုန်များမှ ထုတ်လုပ်သည့် တိရိစ္ဆာန်အစာဈေးနှုန်းများမှာ ပဲဖတ်အခွံပါ တစ်ပိဿာလျှင် (၃၃၀၀)ကျပ် ၊ ပဲဖတ်အသန့် တစ်ပိဿာလျှင် (၇၄၀၀)ကျပ် ၊ ဝါဖတ်အပွဖတ် တစ်ပိဿာလျှင် (၂၃၀၀)ကျပ် ၊ ဝါဖတ်အကျစ်ဖတ် တစ်ပိဿာလျှင် (၂၅၀၀)ကျပ် ၊ နှမ်းဖတ် တစ်ပိဿာလျှင် (၄၀၀၀)ကျပ် ၊ ပဲခွံ တစ်ပိဿာလျှင် (၁၇၅၀) ကျပ် ၊ ဆန်ဖွဲနု(ရှယ်) (၁၈)ပိဿာတစ်အိတ်လျှင် (၂၇၀၀၀)ကျပ် ၊ ဆန်ဖွဲနု (၁၈)ပိဿာတစ်အိတ်လျှင် (၂၁၀၀၀)ကျပ် ၊ ဆန်ဖွဲနုကြမ်း (၁၈)ပိဿာတစ်အိတ်လျှင် (၇၀၀၀)ကျပ် ၊ ဆန်ကွဲ (၂၇)ပိဿာ တစ်အိတ် လျှင် (၄၈၅၀၀)ကျပ် ၊ ပြောင်းဖူးစေ့ (၂၅ပိဿာ)တစ်အိတ်လျှင် (၅၁၀၀၀)ကျပ် ၊ ပြောင်းဖူးစေ့အခြမ်း (၂၅ပိဿာ)တစ်အိတ်လျှင် (၅၀၀၀၀)ကျပ် ၊ ပြောင်းဖူးမှုန့် (၂၅ပိဿာ)တစ်အိတ်လျှင် (၅၀၀၀၀) ကျပ် ဈေးဖြင့် အရောင်းအဝယ်ဖြစ်လျက်ရှိပါသည်။
ဈေးကွက်အနေဖြင့် ပဲဖတ် ၊နှမ်းဖတ် ၊ဝါကြိတ်ဖတ်၊ ဆန်ကွဲ၊ ဆန်ဖွဲနု၊ ဆန်ဖွဲနုကြမ်းများ ကို ဒေသတွင်းမွေးမြူရေးလုပ်ငန်းများအပြင် ရမည်းသင်း၊ ပျော်ဘွယ်၊ တောင်သာ၊ ကျောက်ပတောင်း၊ အောင်ပန်း၊လွိုင်ကော်မြို့များသို့တင်ပို့ရောင်းချကြပြီး ဒေသတွင်းထွက်ရှိမှုမရှိသည့် ပြောင်းကို တောင်ကြီး၊ရွှေညောင်မြို့များမှ တင်သွင်းရောင်းချကြကြောင်း တိရိစ္ဆာန်အစာရောင်းဝယ်ရေး လုပ်ငန်းများမှသိရှိရပါသည်။
DOCA(မန္တလေး)