(၂၆.၄.၂၀၂၅)ရက်နေ့ နံနက်(၉:၀၀)အချိန်တွင် လှိုင်သာယာ(အနောက်ပိုင်း)မြို့နယ် အထွေထွေအုပ်ချုပ်ရေးဦးစီးဌာန၏ ဦးဆောင်မှုဖြင့် မြို့နယ်စီမံအုပ်ချုပ်ရေးဥက္ကဌ ဦးထွန်းထွန်းလင်းပါ(၃)ဦး၊ ရဲတပ်ဖွဲ့မှူး ရဲမှူးမောင်မောင်ကျော်ပါ(၃)ဦး၊ အထူးစုံစမ်းစစ်ဆေးရေး ဦးစီးဌာနမှ စစ်ဆေးရေးမှူး ဦးနောင်နောင်လတ်၊ မြို့နယ်အကောက်ခွန်ဦးစီးဌာနမှ ဒုတိယ ဦးစီးမှူး ဦးရဲထွေး၊ စားသုံးသူ ရေးရာဦးစီးဌာနမှ ဒုဦးစီးမှူး ဒေါ်နီလာဦးနှင့် ရာအိမ်မှူးများ ပူးပေါင်းပါဝင်လျက် ရပ်ကွက်အတွင်းရှိ အိမ်ဆောက်ပစ္စည်းအရောင်းဆိုင်များရှိ အုတ်၊ သဲ၊ ကျောက်၊ သံများပစ္စည်းပြတ်လပ်မှုရှိ/မရှိနှင့် ဈေးနှုန်းမြှင့်တင်ရောင်းချခြင်းရှိ/မရှိအား ကွင်းဆင်း စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ဆောင်ရွက်ခဲ့ရာတွင် အိမ်ဆောက်ပစ္စည်းဆိုင်များဖြစ်သော မန္တလေးလမ်း၊ (၁၂)ရပ်ကွက် ရှိ “အားမာန်အောင်”နှင့် “လမင်းအောင်”၊ ပဲခူးလမ်း၊ (၁၄)ရပ်ကွက်ရှိ “ရောင်နီဦး”၊ ဗိုလ်အောင်ကျော်လမ်း၊ (၁၃)ရပ်ကွက်ရှိ “RPT Family” နှင့် “လင်း”၊ ဦးပုညလမ်း၊ အမှတ်(၁၆)ရပ်ကွက်ရှိ “မြတ်သစ်ထွန်း”နှင့် တောင်ငူလမ်း၊ (၁၉)ရပ်ကွက်ရှိ “ချမ်းသာကြီး” အိမ်ဆောက်ပစ္စည်းဆိုင်များတွင် အုတ်၊ သဲ၊ကျောက်၊ သံများမှာ ပစ္စည်းများပြတ်လပ်မှုမရှိဘဲ ရောင်းချသောဈေးနှုန်းမှာလည်း ဝယ်ယူ ဈေးထက်သင့်တင့်သော ဈေးနှုန်းသာအမြတ်တင် ရောင်းချပါကြောင်း၊ ဈေးနှုန်းလည်းမြှင့်တင် ရောင်းချခြင်းမရှိပါကြောင်းနှင့် စီမံအုပ်ချုပ်ရေး ဥက္ကဌမှ ဈေးနှုန်းမြှင့်တင်ရောင်းချမှုများရှိခဲ့လျှင် အရေးယူဆောင်ရွက်သွားမည်ဖြစ်ကြောင်း ပြောကြားခဲ့ကြောင်း သိရှိရပါသည်။
DOCA(ရန်ကုန်)