ဘိုကလေးမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီး ဌာနတို့ ပူးပေါင်း၍ ၂၀၂၅ ခုနှစ်၊ မေလ(၁၉) ရက်နေ့၊ နံနက်(၁၀:၀၀) နာရီအချိန်တွင် စားသုံးသူကာကွယ်ရေးဥပဒေ အခန်းများမှ ကုန်အညွှန်းအမှတ်အသား ဖော်ပြခြင်းနှင့် ပက်သက်၍ Talk Show အစီအစဉ် ကျင်းပပြုလုပ်ဆောင်ရွက်ခဲ့ပါသည်။
အဆိုပါအစီအစဉ်တွင် စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ခင်စန်းအေးက ကုန်အညွှန်းအမှတ်အသား ဖော်ပြခြင်းကို စားသုံးသူကာကွယ်ရေး ဥပဒေ အခန်း(၁၈) ၊ ပုဒ်မ (၄၁/၄၂/၄၃) တို့တွင် ဖော်ပြထားရှိကြောင်းနှင့် စီးပွားရေးလုပ်ငန်းရှင်များက ကုန်အညွှန်းအမှတ် အသား ဖော်ပြခြင်းနှင့် စပ်လျဉ်းပြီး ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ ဖော်ပြရမည်ဖြစ်ကြောင်း၊ အခြေခံစားသောက်ကုန်ထုပ်ပိုးမှုများတွင် ကုန်အညွှန်း အမှတ်အသားဖော်ပြချက်များ အကြောင်း၊ လူသုံးကုန်ပစ္စည်းများ(အလှကုန်/ ဆေးဝါး/ လယ်ယာသုံး၊ စိုက်ပျိုးရေးသုံး ဓာတ်မြေဩဇာ၊ ပိုးသတ်ဆေးများတွင်လည်း ကုန်အညွှန်းဖော်ပြထားရှိခြင်းနှင့် ပက်သက်၍ အသိပညာပေး Talk Show ကျင်းပပြုလုပ်ခဲ့ကြောင်း သတင်းရရှိပါသည်။
DOCA(ဧရာဝတီ)