ကယားပြည်နယ်၊ လွိုင်ကော်မြို့၌ မေလတတိယပတ်တွင် ဈေးကွက်အတွင်း သရက်သီး အမျိုးအစား အများအပြားတွေ့ရှိရပါသည်။ ၎င်းသရက်သီးများအား မန္တလေးမြို့မှ မှာယူရောင်းချရသည့် အသီးများရှိသကဲ့သို့ ပြည်နယ်တွင်းထွက်ရှိသော သရက်သီးများလည်းရှိပါသည်။ မိုးဦးရာသီသရက်သီးများလှိုင်လှိုင်ပေါချိန်ဖြစ်၍ သရက်သီးဈေးနှုန်းများ အနည်းငယ်ကျဆင်းလျက်ရှိပါသည်။ လွိုင်ကော်ဈေးကွက်အတွင်း မန္တလေးတိုင်းဒေသကြီးမှ မှာယူတင်သွင်းသော စိန်သလုံးသရက်သီးများမှာ ဈေးကောင်းရလျက်ရှိပြီး(၁)လုံးလျှင် ကျပ်(၅၀၀)မှ (၁၀၀၀)ခန့် ရရှိကာ အရောင်းအဝယ်ဖြစ်လျက်ရှိပါသည်။ ယခင်ဧပြီလ စတုတ္ထအပတ်ဈေးနှုန်းနှင့်နှိုင်းယှဉ်ကြည့်လျှင်(၅၀၀)ကျပ်ခန့်ကွာဟပြီး ဈေးနှုန်းကျဆင်းလျက်ရှိကြောင်း လွိုင်ကော်မြို့၊ သီရိမင်္ဂလာ ဈေးအတွင်းသစ်သီးမျိုးစုံရောင်းချနေသူများထံမှ သိရှိရပါသည်။
DOCA(ကယား)