ဧရာဝတီတိုင်းဒေသကြီး၊ ပန်းတနော်မြို့နယ်၊ အင်းမကျေးရွာတွင် ခရမ်းကြွပ်သီးအပါအဝင် တစ်ပိုင်တစ်နိုင် ဟင်းသီးဟင်းရွက်များစိုက်ပျိုးလုပ်ကိုင်ခြင်းဖြင့် နှစ်စဉ်မိသားစုအပိုဝင်ငွေရရှိကြောင်း သိရသည်။
ခရမ်းသီးကြွပ်သီးပင်ကို ၂၀၂၅ ခုနှစ်၊ မတ်လ ဆန်းပိုင်းမှစတင်စိုက် ပျိုးခဲ့ခြင်းဖြစ်ပြီး နှစ်စဉ်(၀.၃၀)ဧကရှိကြောင်း၊ ပျိုးပင်များမှာ ယခင်နှစ်က စိုက်ပျိုးခဲ့သည့် ခရမ်းကြွပ်သီးမျိုးဖြစ်ပြီး အဖြူရောင်၊ ခရမ်းရောင်အသီး၊ အစိမ်းနု စသော အသီး ၃မျိုး တစ်လ သက်တမ်းရှိ ပျိုးပင်ပေါင်း (၈၀၀)ကျော်ပြန် လည်စိုက်ပျိုးထားကြောင်း၊ စိုက်ပျိုးသီးနှံများ အောင်မြင်ဖြစ် ထွန်းရေးအတွက် ကုန်ကျစရိတ် မြေဩဇာ ထည့်စရိတ်အပါအဝင် အရင်းအနှီးအားလုံး တစ်သိန်းကျော်ရှိကြောင်း၊ ခရမ်းကြွပ်သီးမှာ စိုက်ပျိုးပြီး သုံးလအကြာတွင် စတင်ခူးဆွတ်ရောင်းချနိုင်ကြောင်း၊ ယခင်နှစ်တွင် ခရမ်းကြွပ်သီး ၅လုံးတစ်တွဲ လျှင် ငွေကျပ် ၂၀၀ ဖြင့်ရောင်းချရသောကြောင့် ခရမ်းကြွပ်သီးစိုက်ပျိုးလုပ်ကိုင်ခြင်းမှ အမြတ်ငွေ တစ်သိန်းကျော်ရရှိခဲ့ကြောင်း၊ ပန်းတနော်မြို့နယ် ကျေးရွာတွင်း ခရမ်းကြွပ်သီးပင်စိုက်ပျိုးလုပ်ကိုင်သူနည်းပါး ပြီး တစ်ရွာလုံးပေါင်း တစ်ဧကလောက်သာရှိကြောင်းသိရသည်။
ခရမ်းကြွပ်သီး ထွက်ရှိမှုအနေဖြင့် ၅လုံးတစ်စီး အတွဲရေ ၈၀၀ခန့် ထွက်ရှိသည်။ တစ်တွဲလျှင် ငွေကျပ် ၃၀၀ကျပ်ဖြင့် ရောင်းချနေပြီး အကျိုးအမြတ် တစ်သိန်းကျော်ကျန်ရှိကြောင်း စိုက်ပျိုးရောင်းချသူ တောင်သူ ဒေါ်ခင်ထွေးပြောပြချက်အရသိရသည်။ ခရမ်းကြွပ်သီးအပြင် နှစ်စဉ်မိသားစုအပိုဝင်ငွေရရှိစေရန်အတွက် ငရုတ်၊ ပဲရှည်သီး၊ မုန့်ညှင်းစသည့်အခြားဟင်းသီးဟင်းရွက်များလည်း တစ်ပိုင်တစ်နိုင်စိုက်ပျိုးလုပ်ကိုင်လျက်ရှိကြောင်း သိရှိရပါသည်။
DOCA(ဧရာဝတီ)