(၇.၆.၂၀၂၅)ရက်နေ့ နံနက်(၀၇:၃၀)နာရီအချိန်တွင် တိုက်ကြီးခရိုင်၊ တိုက်ကြီးမြို့နယ်၊ မလေးရှားဝိုင်ကျေးရွာအုပ်စု၊ တောင်လှိုင်ရိုးမကြိုးဝိုင်း၊ အကွက်အမှတ်(၁၃)၊ မေတ္တာအေး ကျေးရွာအနီး၌ ကျင်းပပြုလုပ်ရာ အခမ်းအနားသို့ ရန်ကုန်တိုင်းဒေသကြီးအစိုးရအဖွဲ့ ဝန်ကြီးချုပ်နှင့် ဌာနဆိုင်ရာမှ တာဝန်ရှိသူများ၊ ဆရာ/ ဆရာမများနှင့် ကျောင်းသား/ ကျောင်းသူ၊ စက်ရုံ၊ အလုပ်ရုံဝန်ထမ်းများနှင့် ပြည်သူစုစုပေါင်းအင်အား(၂၅၀၀)ခန့် တက်ရောက်ခဲ့ပါသည်။
အခမ်းအနားတွင် တိုင်းဒေသကြီးဝန်ကြီးချုပ်က အဖွင့်အမှာစကားပြောကြားပြီး ဝန်ကြီးချုပ်က ပိတောက်ပင်ကိုလည်းကောင်း၊ တိုင်းဒေသကြီးဝန်ကြီးချုပ်၏ဇနီးက ခရေပင်ကို လည်းကောင်း စိုက်ပျိုးပေးပြီး ရန်ကုန်တိုင်းစစ်ဌာနချုပ်တိုင်းမှူးနှင့်ဇနီးတို့က အထိမ်းအမှတ် သစ်ပင်စိုက်ပျိုးခြင်း၊ တိုင်းဒေသကြီးအစိုးရအဖွဲ့ဝန်ကြီးများက အထိမ်းအမှတ်သစ်ပင် စိုက်ပျိုးခြင်းနှင့် တက်ရောက်လာကြသူများက သစ်ပင်များ စုပေါင်းစိုက်ပျိုးခြင်း၊ တိုင်းဒေသကြီး ဝန်ကြီးချုပ်နှင့်အဖွဲ့မှ သစ်ပင်စိုက်ပျိုးနေမှုများကို လှည့်လည်ကြည့်ရှုအားပေးပြီး သစ်ပင် စိုက်ပျိုးပွဲတော်တွင် မဟော်ဂနီ(၁၈၀၀)ပင်၊ ပျဉ်းကတိုး (၁၈၀၀)ပင်၊ ပိတောက်(၁၅၈၀)ပင်၊ ပျဉ်းမ(၁၄၀၀)ပင်၊ မန်ဂျန်ရှား(၈၀၀)ပင်၊ ခရေ(၂၀၀)ပင် စုစုပေါင်း ပျိုးပင်ပေါင်း(၇၅၈၀)ပင်တို့ကို လူထုလှုပ်ရှားမှုအသွင်ဖြင့် စုပေါင်းစိုက်ပျိုးဆောင်ရွက်ခဲ့၍ အခမ်း အနားကို (၈:၁၅)နာရီအချိန်တွင် ရုတ်သိမ်းခဲ့ကြောင်း သိရှိရပါသည်။
DOCA (ရန်ကုန်)