မြန်မာနိုင်ငံ၏ စပါးကျီဟု တင်စားခေါ်ဝေါလျှက်ရှိသော ဧရာ၀တီတိုင်းဒေသကြီးသည် သဘာ၀မှ လက်ဆောင်ပေးထားသည့် မြေဆီမြေနှစ်ကောင်းမွန်ပြီး လယ်ယာစိုက်ပျိုးရေး လုပ်ငန်းကို အဓိကလုပ်ကိုင်လျှက်ရှိသော တိုင်းကြီးတစ်ခုဖြစ်သည်နှင့်အညီ နှစ်စဿ်မိုးစပါး စိုက်ဧက (၃၇)သိန်းကျော်နှင့် နွေစပါးစိုက်ဧက (၁၀)သိန်းကျော် နှစ်စဉ်စိုက်ပျိုးလျှက်ရှိပြီး ဒေသတွင်း စားသုံးမှုဖူလုံရုံသာမက နှစ်စဉ်ပိုလျှံသည့် ဆန်/ဆန်ထွက်ပစ္စည်းများကို ပြည်တွင်း စျေးကွက်နှင့် ပြည်ပစျေးကွက်များသို့ တင်ပို့ရောင်းချလျှက်နေပါသည်။
ဧရာ၀တီတိုင်းဒေသကြီးအတွင်း စပါးအထွက်နှုန်းတိုးတက်စေရန် စိုက်ပျိုးရေးဦးစီး ဌာနမှ လည်း အဖက်ဖက်မှ ဆောင်ရွက်လျှက်ရှိရာ ယခု ၂၀၂၂/၂၀၂၃ မိုးစပါးရာသီမှာလည်း မိုးစပါး စိုက်ဧက (၃၇၅၇၀၃၉) စိုက်ပျိုးရန် လျာထားပြီး ဇူလိုင်လနောက်ဆုံးပတ်အတွင်း မိုးစပါး စိုက်ဧက (၁၆၀၀၀၀၀) ဧကကျော် စိုက်ပျိုးပြီးစီးကြောင်း ဧရာ၀တီတိုင်းဒေသကြီး စိုက်ပျိုးရေး ဦးစီးဌာနမှ သိရသည်။
DOCA(ဧရာဝတီ)