ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်တွင် မိုးစပါးစိုက်ဧက ၈၉၁၈၄ ဧက ရှိပါသည်။ လက်ရှိမိုးစပါးဈေးနှုန်းမှာ တင်း ၁၀၀ လျှင် ၁၁၀၀၀၀၀ ကျပ်ရှိပြီး ယခင်နှစ် အလားတူကာလတွင် စပါးတင်း ၁၀၀ လျှင် ၆၈၀၀၀၀ ကျပ်ရှိခဲ့သဖြင့် ယခုနှစ်တွင် ဈေးကောင်း ရရှိသည်ဟု ဆိုရမည်ဖြစ်ပါသည်။ သို့သော် ယခုနှစ် စိုက်ပျိုးရာသီတွင် သွင်းအားစုဈေးနှုန်းများ မြင့်တက်ခြင်း၊ စိုက်ပျိုးစရိတ်နှင့် လုပ်သားခများမြင့်တက်ခြင်း၊ သယ်ယူပို့ဆောင်ခ မြင့်တက်ခြင်းများ ဖြစ်ပေါ်နေပါသည်။
ယခုအချိန်တွင် တောင်သူများထံ၌ မိုးစပါးလက်ကျန်များမရှိတော့ဘဲ ဆန်စက်အချို့နှင့် ကုန်သည်များဆီမှာသာ စပါးတင်း ၁၀၀၀၀၀ ခန့်နှင့် ဆန်အိတ်ရေ ၂၀၀၀ လောက်သာ ကျန်ရှိတော့ကြောင်း အုတ်တွင်းမြို့နယ်မှ ဆန်စက်ပိုင်ရှင်တစ်ဦး၏ ပြောပြချက်အရ သိရှိရပါသည်။
DOCA(ပဲခူး)