ပြည်ခရိုင်၊ ရွှေတောင်မြို့နယ်ရှိ မီးလောင်အုပ်စု၊ မီးလောင်ကျေးရွာတွင် ဖူးစားပြောင်းဖူးများထွက်ရှိနေပြီဖြစ်သဖြင့် စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံနှင့် အဖွဲ့သည် (၂.၈.၂၀၂၂)နေ့ နေ့လယ် (၁:၀၀) နာရီအချိန်တွင် မီးလောင်ရွာသို့ သွားရောက်၍ ဖူးစားပြောင်း စိုက်ပျိုးသူ တောင်သူနှင့်တွေ့ဆုံပြီး ဈေးနှုန်းဈေးကွက်အခြေအနေတို့အား ကွင်းဆင်းလေ့လာ ခဲ့ပါသည်။
ရွှေတောင်မြို့နယ်၊ မီးလောင်အုပ်စု၊ မီးလောင်ကျေးရွာရှိ ဖူးစားပြောင်းစိုက်ပျိုးသူ ဦးရဲအောင်နှင့်တွေ့ဆုံ၍ မေးမြန်းခဲ့ရာ ရွှေတောင်မြို့နယ်အနေဖြင့် ဖူးစားပြောင်းစိုက်ဧက ၁၇၈၂ ဧကရှိပြီး စိုက်ပျိုးသည့်မျိုးများမှာ ပြောင်းအဝါ (Hybrid Sweet Cron) ဖြစ်ပါသည်။ ဖူးစားပြောင်း ကို နယုန်လဆန်းမှ စတင်စိုက်ပျိုးပြီး စိုက်ပျိုးပြီး (၇၅)ရက်အကြာတွင် ပြောင်းဖူးများ ခုတ်ယူ ရောင်းချရကြောင်း သိရပါသည်။ ရွှေတောင်မြို့နယ်မှ ထွက်ရှိလာသော ဖူးစားပြောင်း (အဝါ)များကို နေ့စဉ် ရန်ကုန်မြို့ရှိ သီရိမင်္ဂလာဈေးသို့ တင်ပို့ရောင်းချလျှက်ရှိရာ ကားတစ်စီးလျှင် ပြောင်းဖူး အဖူးရေ ၂၂၀၀၀ပါ ကား(၅)စီးဖြင့် တင်ပို့ရောင်းချလျှက်ရှိကြောင်း သိရပါသည်။ ပြောင်းဖူး ဈေးနှုန်းများမှာ တစ်ဖူးလျှင် ၁၆၀ ကျပ်ခန့်ရရှိပြီး ယခင်နှစ်တွင် ပြောင်းဖူးတစ်ဖူးလျှင် ၁၁၀ ကျပ် ခန့်ရရှိ၍ ယခင်နှစ်ထက်ဈေးပိုမိုရရှိသဖြင့် တောင်သူများအတွက် တွက်ချေကိုက်သည့် နှစ်ဖြစ်သည့် ဟုသိရပါသည်။ ဖူးစားပြောင်းများစိုက်ပျိုးရာတွင် အကျိုးအမြတ်များရရှိသည့်အတွက် နောက်နှစ်များတွင် တိုးချဲ့စိုက်ပျိုးမည်ဖြစ်ကြောင်း သိရှိရပါသည်။
DOCA(ပဲခူး)