![](http://www.doca.gov.mm/sites/default/files/styles/consumer_inner_image__847x424_/public/ပဲခူး 6.jpg?itok=EC6Pyx5V)
ပြည်ခရိုင်၊ ရွှေတောင်မြို့နယ်၊ နွားမယံကျေးရွာအုပ်စု၊ ပုရပိုက်တန်းကျေးရွာရှိ မိုးနေကြာ စိုက်ပျိုးသူ တောင်သူနှင့်တွေ့ဆုံပြီး မိုးနေကြာများရိတ်သိမ်းနေမှုအား သွားရောက်တွေ့ဆုံ မေးမြန်းခဲ့ပါသည်။
ရွှေတောင်မြို့နယ်အနေဖြင့် ယခုနှစ်တွင် မိုးနေကြာစမ်းသပ် စိုက်ဧကမှာ (၄၀)ကျော်ခန့် စိုက်ပျိုးပြီး ယခုအချိန်တွင် စတင်ထွက်ပေါ်လာပြီဖြစ်သဖြင့် စားသုံးသူရေးရာဦးစီးဌာန၊ ရွှေတောင် မြို့နယ်တာဝန်ခံ ဦးအောင်နိုင်ဦးနှင့် ဝန်ထမ်းများသည် (၁.၈.၂၀၂၂)ရက်နေ့ နံနက် (၁၀:၀၀)နာရီ အချိန်တွင် နွားမယံအုပ်စု၊ ပုရပိုက်တန်းကျေးရွာရှိ မိုးနေကြာစိုက်တောင်သူ ဦးဌေးဝင်းနှင့် တွေ့ဆုံ၍ မေးမြန်းရာ တောင်သူမှ မိုးနေကြာ (၄)ဧကကို စမ်းသပ် စိုက်ပျိုးထားပါသည်။ စိုက်ပျိုးသည့် နေကြာမျိုးများမှာ ဆင်းရွှေကြာ (၂)မျိုးဖြစ်ပြီး၊ စိုက်ပျိုးသည့် ရက်ပေါင်း ၈၀-၈၅ရက်အတွင်း ရိတ်သိမ်းရပါသည်။ အထွက်နှုန်းအနေဖြင့် တစ်ဧကလျှင် (၁၂)တင်းခန့်ထွက်ရှိသည်ဟုသိရပါသည်။ မိုးနေကြာစိုက်ပျိုး၍ တစ်ဧကထုတ်လုပ်ကုန်ကျစရိတ်မှာ ကျပ် (၂)သိန်းကျော် ကုန်ကျကြောင်း သိရပါသည်။ နေကြာဈေးနှုန်းများမှာ တစ်တင်းလျှင် (၃၀၀၀၀)ကျပ်ဖြင့် ရောင်းချရသဖြင့် တစ်ဧက အကျိုးအမြတ်မှာ (၁၆၀၀၀၀)ကျပ်ခန့် ရရှိကြောင်း သိရှိရပါသည်။
မိုးနေကြာစိုက်ပျိုးသူတောင်သူများအနေဖြင့် ယခုနှစ်တွင် နေကြာကိုစမ်းသပ်စိုက်ပျိုးရာ အောင်မြင်၍ အကျိုးအမြတ်များရရှိသဖြင့် ဆောင်းနေကြာကိုလည်း တိုးချဲ့စိုက်ပျိုးသွားမည်ဖြစ်ကြောင်း သိရှိရပါသည်။
DOCA(ပဲခူး)