စားသုံးသူရေးရာဦးစီးဌာန၊ ကလေးခရိုင်၊ ဟုမ္မလင်းမြို့နယ်တာဝန်ခံ ဒေါ်ခင်စန်းဝင်း (ဒု-ကြီးကြပ်ရေးမှူး) သည် (၃.၈.၂၀၂၂)ရက်နေ့တွင် ဇီးဖျော်ရည်အစုအဖွဲ့မှ လုပ်ငန်းရှင်ဦးမိုးလှိုင်နှင့် သွားရောက်တွေ့ဆုံ ဆွေးနွေးခဲ့ပါသည်။ ထိုသို့ တွေ့ဆုံဆွေးနွေးရာတွင် ယခုလအတွင်း ရာသီဥတု ပူပြင်းလာသည့်အတွက် တစ်ရက်လျှင် ဇီးဖျော်ရည် ရေသန့်ဗူး ( ၅၀ ) ခန့် ရောင်းချရကြောင်း ၊ယခင်ကာလများက တစ်ဗူးလျှင် (၂၅၀၀)ကျပ်ဖြင့် ရောင်းချခဲ့သော်လည်း ယခုအခါတွင် ကုန်ကြမ်းပစ္စည်းများ ဈေးနှုန်းမြင့်မားနေသည့်အတွက် တစ်ဗူးလျှင် (၃၀၀၀) ကျပ်ဈေးနှုန်းဖြင့် ရောင်းချလျှက်ရှိကြောင်း သိရသည်။ ဟုမ္မလင်းမြို့ပေါ်တွင် ဇီးဖျော်ရည်ရောင်းချသည့် ဆိုင်အရေ အတွက် (၃) ဆိုင်ခန့်ရှိပါသည်။ နွေရာသီကာလတွင် အရောင်းသွက်ပြီး ကျန်ကာလများ တွင် အနည်းငယ်သာ ရောင်းချရပြီး ဆောင်းရာသီတွင် တစ်ရက် ( ၁၀ ) ဗူးခန့်သာရောင်းချရ ကြောင်း၊ ကုန်ကြမ်းပစ္စည်း များဖြစ်သည့် ဇီးသီးမှုန့်နှင့် သကြားများကို မုံရွာမြို့မှ မှာယူတင်သွင်းရကြောင်း၊ သကြားတစ်ပိဿာ လျှင် ( ၂၂၀၀ ) ကျပ်၊ ဇီးသီးမှုန့် တစ်ပြည်လျှင် ( ၅၀၀၀ ) ကျပ်၊ ဈေးနှုန်းဖြင့် ဝယ်ယူ၍ ဇီးဖျော်ရည်များ ပြုလုပ်ရောင်းချလျှက်ရှိကြောင်း၊ မိမိတို့ပြုလုပ်သည့် ဇီးဖျော်ရည်ကို နီနီမြင့်အမှတ်တံဆိပ်ဖြင့် ရောင်းချလျှက်ရှိပြီး ဇီးဖျော်ရည်ပုလင်းများကို ဒေသတွင်းသာ အဓိက ရောင်းချရကြောင်း သိရပါသည်။ ရံဖန်ရံခါတွင် ခရီးသွားပြည်သူများမှ လက်ဆောင်ပေးရန်အတွက် ဝယ်ယူသူများလည်းရှိပါသည်။ မိသားစုအင်အားဖြင့်သာ တစ်ပိုင်တစ်နိုင် လုပ်ကိုင်ဆောင်ရွက်လျှက် ရှိပြီး စားဝတ်နေရေး ဖူလုံရုံသာရောင်းချ လျှက်ရှိပါကြောင်း မိမိတို့ပြုလုပ်သည့် ဇီးဖျော်ရည်သည် ဓါတုဆေးဝါးများ ပါဝင်အသုံးပြုထုတ်လုပ်ခြင်းမျိုးမဟုတ်ဘဲ သဘာဝအရသာဖြင့် သန့်ရှင်း သပ်ရပ်စွာ ထုတ်လုပ်ရောင်းချလျှက်ရှိပါကြောင်း ဇီးဖျော်ရည်အစုအဖွဲ့ ဦးမိုးလှိုင်ထံမှ သိရှိရပါသည်။
DOCA(စစ်ကိုင်း)