နေပြည်တော်ဆီကုန်သည်နှင့် ဆီလုပ်ငန်းရှင်များအသင်းနှင့် စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဝန်ထမ်းများပူးပေါင်းဆောင်ရွက်မှုဖြင့် နေပြည်တော်ကောင်စီနယ်မြေအတွင်းရှိ ကျေးရွာများနှင့် ဌာနဆိုင်ရာဝန်ထမ်းများ၊ ဝန်ထမ်းအိမ်ရာများသို့ တစ်ပိဿာလျှင် ၃၉၀၀ ကျပ်နှုန်းဖြင့် ရောင်းချပေးလျက်ရှိပါသည်။
၆-၈-၂၀၂၂ ရက်နေ့မှာတော့ “ ဆီလုပ်ငန်းရှင် ဦးဇော်ဇော်လတ်မှ တပ်ကုန်းမြို့နယ်၊ အုန်းပင်ကျေးရွာတွင် ဈေးကားတစ်စီးဖြင့် ဆီပိဿာချိန် (၆၆၀)အား တစ်ပိဿာလျှင် ၃၉၀၀ ကျပ်နှုန်းဖြင့်ရောင်းချပေးခဲ့ကြောင်း၊ ဆီလုပ်ငန်းရှင် ဦးမျိုးမင်းမှ တပ်ကုန်းမြို့နယ်၊ နောင်ဘိုအိုးကျေးရွာ၊ ကံကြီးကျေးရွာနှင့် ဒယောက်ကူးကျေးရွာတို့တွင် ဆီပိဿာချိန် (၆၆၀)ကို တစ်ပိဿာလျှင် ၃၉၀၀ ကျပ်နှုန်းဖြင့်ရောင်းချပေးခဲ့ကြောင်း၊ ဆီလုပ်ငန်းရှင် ဒေါဖြိုးဖြိုးထိုက်က တပ်ကုန်းမြို့နယ်ရှိ ကျန်းမာရေးမြို့နယ်ရေးမှူးရုံး၊ ကြို့ပင်သာကျေးရွာ၊ ရေတွင်းဖြူကျေးရွာနှင့် ချောင်းခကျေးရွာတို့တွင် ဆီပိဿာချိန် (၆၆၀)ကို ဈေးကားတစ်စီးဖြင့် စားသုံးသူများလက်ဝယ်အရောက်လှည့်လည်ရောင်းချပေးခဲ့ကြောင်းနှင့်ဆီလုပ်ငန်းရှင် ဦးသူရဇော်ဇော်က တပ်ကုန်းမြို့နယ်၊ MRTV ဝန်ထမ်းအိမ်ယာများတွင်ဆီပိဿာချိန် (၆၆၀)ကို တစ်ပိဿာလျှင် ၃၉၀၀ ကျပ်နှုန်းဖြင့် ရောင်းချပေးခဲ့ကြောင်း” သတင်းရရှိပါသည်။
DOCA(ပြည်ထောင်စုနယ်မြေ)