ပဲခူးတိုင်းဒေသကြီး၊ တောင်ငူမြို့နယ်တွင် မိုးစပါး ၅၈၂၀၈ ဧက စိုက်ပျိုးရန် လျာထား လျက်ရှိရာ ဇူလိုင်လကုန်အထိ ၅၈၀၃၄ ဧက စိုက်ပျိုးပြီးစီးခဲ့ပြီး စိုက်ရန်ကျန် ၁၇၄ ဧကသာကျန်ရှိ ပါသဖြင့် ၉၉.၇ ရာခိုင်နှုန်း စိုက်ပျိုး ပြီးစီးပြီးဖြစ်ပါသည်။
တောင်ငူမြို့နယ်တွင် ယခင်နှစ်က ဇူလိုင်လ၏ ပျှမ်းမျှမိုးရေချိန်မှာ ၁၉ လက်မ ရှိခဲ့ သော်လည်း ယခုနှစ်တွင် ဇူလိုင်လတွင် မိုးရွာသွန်းမှု အလွန်နည်းပါးသဖြင့် ပျှမ်းမျှမိုးရေချိန်မှာ ၇.၃၁ လက်မသာ ရှိခဲ့သဖြင့် ယခင်နှစ်ကထက် ၁၁.၆၉ လက်မ လျော့နည်းခဲ့ပါသည်။ ဇူလိုင်လ နောက်ဆုံးပတ်တွင် မိုးရွာသွန်းမှုမရှိသလောက်ဖြစ်ခဲ့သဖြင့် မိုးကောင်းသော လယ်မြေများတွင် စပါးဖွံ့ဖြိုးမှုအားနည်းခဲ့ကြောင်း တွေ့ရှိရပါသည်။
မိုးရွာသွန်းမှုနည်းပါးသော်လည်း တောင်ငူမြို့နယ်အတွင်း ပသိဆည်၊ ကမ်းနီဆည်၊ ကရင်ချောင်းဆည်နှင့် ခပေါင်းဆည်များ၊ မြစ်ရေတင်စီမံကိန်းများမှ ရေရရှိသဖြင့် စပါးများဆက် လက်စိုက်ပျိုးနိုင်ပြီး မိုးစပါးများအောင်မြင်ဖြစ်ထွန်းလျှက်ရှိပါကြောင်း သိရှိရပါသည်။
DOCA(ပဲခူး)