မကွေးတိုင်းဒေသကြီး၊ မင်းဘူးခရိုင်၊ ငဖဲမြို့နယ် ချောင်းဖြူကျေးရွာအုပ်စု၊ ထန်းကိုင်း ကျေးရွာ၏ မြောက်ဘက် ငဖဲ-စေတုတ္တရာကားလမ်းဘေးရှိ ကိုင်းမြေတွင် မြေအောက်ရေကို အသုံးပြု၍ နဂါးမောက်ပင်များကို စိုက်ပျိုးရာတွင် အသီးများအောင်မြင်ဖြစ်ထွန်းပြီး ဈေးကောင်း ရရှိသဖြင့် ဝင်ငွေကောင်းလျက်ရှိကြောင်း သိရှိရပါသည်။
ထန်းကိုင်းကျေးရွာ၏ မြောက်ဘက်ရှိ ကိုင်းမြေ(၃)ဧကတွင် နဂါးမောက်ပင်ပေါင်း(၁၀၀၀) ကျော်ကို စိုက်ပျိုးထားရှိကြောင်း၊ နဂါးမောက်ပင်ကို စိုက်ပျိုးမည်ဆိုပါက ပျိုးပင်(၁)နှစ်သားအရွယ်ရှိ အပင်ကို ပြာသိုလမှ စတင်စိုက်ပျိုးပြီး (၆)လကျော်ဆိုရင် အသီးစတင်သီးကြောင်း၊ မြေဩဇာအနေ ဖြင့်ဆိတ်ချေး၊ နွားချေးနှင့်ဖွဲပြာကျွေးပေးရကြောင်း၊ ယခုနှစ်တွင် မိုးရွာသွန်းမှုနည်းပါးသည့်အတွက် ရေကိုတစ်ရက်ခြား လောင်းပေးနေရပြီး တစ်သုတ်သီးလျှင် အလုံး(၂၀၀၀၀)ခန့်ခူးဆွတ်ရောင်းချရ ကြောင်း၊ ဈေးကွက်မှာငဖဲမြို့မဈေးသို့ ပေးပို့ရောင်းချရပြီး ခြံသို့လာရောက်ဝယ်သူများလည်းရှိ ကြောင်း၊ နဂါးမောက်သီး(၁)လုံးလျှင် (၃၀ဝိ/-)မှ (၇၀ဝိ/-)ထိ ရောင်းချရပြီး (၁)ရက်ခူးလျှင် အလုံး (၄၀၀)ကျော် ခူးဆွတ်ရရှိသဖြင့် မိသားစုစားဝတ်နေရေး အဆင်ပြေကြောင်း ထန်းကိုင်းကျေးရွာမှ တောင်သူဦးမောင်ဝင်းထံမှ သိရှိရပါသည်။
နဂါးမောက်သီးမှာ ကျန်းမာရေးအတွက် အထောက်အကူပြုပြီး ရောင်းပန်းလှသော အသီးဖြစ်၍ ငဖဲမြို့နယ်အတွင်းရှိ နေအိမ်အချို့တွင်လည်း မိသားစု တစ်နိုင်တစ်ပိုင် စိုက်ပျိုးထားကြပြီး တဖက်တလမ်းမှ ဝင်ငွေအပိုရရှိကာ စီးပွားဖြစ် စိုက်ပျိုးရောင်းချလျက်ရှိကြောင်း သတင်း ရရှိပါသည်။
DOCA(မကွေး)