ရေတာရှည်မြို့နယ် စီမံအုပ်ချုပ်ရေးအဖွဲ့ ဥက္ကဌ၏ လမ်းညွှန်မှုဖြင့် ရေတာရှည်မြို့နယ်မှ ဌာနဆိုင်ရာများသည် အဖွဲ့များခွဲ၍ ဇူလိုင်လအတွင်း မိုးရွာသွန်းမှုအလွန်နည်းပါးခြင်းကြောင့် လယ်ယာမြေများ ပျက်စီးဆုံးရှုံးမှုနှင့်ပြန်လည်ပြုပြင်နေမှုများကို ကွင်းဆင်းစစ်ဆေးခဲ့ပါသည်။
စားသုံးသူရေးရာဦးစီးဌာန၊ ရေတာရှည်မြို့နယ်တာဝန်ခံ ဦးဇော်ဇော်ထွေးသည် ဩဂုတ်လ ၉ ရက်နေ့က မြို့နယ်စီမံကိန်းရေးဆွဲရေးဦးစီးဌာန၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီး ဌာန၊ မြို့နယ်ရဲတပ်ဖွဲ့မှူးရုံးတို့မှ တာဝန်ရှိသူများနှင့်အတူ ကြံသနွယ်ကျေးရွာအုပ်စုနှင့် ညောင်ပင်သာ ကျေးရွာအုပ်စုရှိ လယ်ယာမြေများကို ကွင်းဆင်းစစ်ဆေးရာတွင် လယ်ယာမြေများ ဖာထေးပြုပြင် ပြီးစီးမှုများကို တွေ့ရှိရပါသည်။
ရေတာရှည်မြို့နယ်အတွင်း ဇူလိုင်လက မိုးရွာသွန်းမှု နည်းပါးခြင်းကြောင့် စိုက်ပျိုးမြေ၏ ၄ ရာခိုင်နှုန်းခန့် မြေကြီးများအက်ကွဲကာ ပျက်စီးမှုများဖြစ်ပေါ်ခဲ့ကြောင်းနှင့် ယခုလတွင် မိုးပြန်လည် ရွာသွန်းနေပြီဖြစ်သဖြင့် ပျက်စီးသွားသည့် လယ်မြေများအား ပြန်လည်၍ ပြုပြင်ပြီးကြောင်း သိရှိရပါသည်။
DOCA(ပဲခူး)