“လျှပ်စစ်ပစ္စည်းအမျိုးမျိုးအရောင်းဆိုင်များသို့သတ်မှတ်ထားသောကုန်အညွှန်းအမှတ်အသားများ ဖော်ပြထားခြင်းရှိ/ မရှိကွင်းဆင်းစစ်ဆေး”

အိမ်သုံးလျှပ်စစ်ပစ္စည်းအမျိုးမျိုး အရောင်းဆိုင်များသို့ သတ်မှတ်ထားသော ကုန်အညွှန်း အမှတ်အသားများ ပြည့်စုံစွာဖော်ပြထားခြင်းရှိ/မရှိ ဇူလိုင်လ(၁၀)ရက်နေ့၊ နံနက်(၀၉:၃၀)နာရီ အချိန်တွင် ရန်ကုန်တိုင်းဒေသကြီး၊ တွံတေးခရိုင်၊ စည်ပင်သာယာဈေးတွင် ကွင်းဆင်းစစ်ဆေးခဲ့ ကြောင်း သိရသည်။ ထိုသို့ ကွင်းဆင်းစစ်ဆေးခဲ့ရာတွင် ကော့မှူးမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံ ဦးတင်မင်း ဦးဆောင်၍ မြို့နယ်စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်နှင့် ဝန်ထမ်းများသည် မြို့နယ်စည်ပင်သာယာမြို့မဈေး ရုံ(က) အမှတ်(၁/၂)ရှိ အလင်းရောင် အိမ်သုံးလျှပ်စစ်ပစ္စည်းစတိုးဆိုင်တို့တွင် စားသုံးသူပြည်သူများ ဘေးအန္တရာယ်ကင်း ရှင်းစေရေးနှင့် ထုတ်ကုန်များ လုံခြုံစိတ်ချရရှိစေရေးတို့အတွက် အိမ်သုံးလျှပ်စစ်ပစ္စည်း အမျိုးမျိုးတို့တွင် မြန်မာဘာသာဖြင့် မဖြစ်မနေဖော်ပြပါရှိရမည့် အမျိုးအမည်၊ အရွယ်အစား၊ အရေအတွက် အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်းဆည်းမှုအညွှန်း၊ ကြိုတင်သတိပေးချက်တို့အား ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/ မရှိ ကွင်းဆင်းစစ်ဆေးခဲ့ကြောင်း သိရှိရပါသည်။ DOCA(ရန်ကုန်)