တောင်ငူမြို့နယ်အတွင်းတွင် ရပ်ကွက်ဈေးများအလိုက် စားအုန်းဆီးများကို သက်သာ သော ဈေးနှုန်းဖြင့် လှည့်လည်ရောင်းချလျက်ရှိပါသည်။ တောင်ငူမြို့နယ်အတွင်းရှိ ကုန်စုံဆိုင်များ တွင် ယခုကာလဈေးနှုန်း စားအုန်းဆီ ၁ ပိဿာ လျှင် ၈၅၀၀ ကျပ်၊ ပဲစပ်ဆီ ၁ ပိဿာလျှင် ၉၅၀၀ ကျပ် နှင့် ပဲဆီ ၁ ပိဿာလျှင် ၁၀၀၀၀ ကျပ်ဖြင့် ရောင်းချလျက်ရှိပါသည်။
တောင်ငူခရိုင် ဦးစီးမှူး ဦးမျိုးအောင် နှင့် တောင်ငူမြို့နယ်တာဝန်ခံ ဦးမြင့်သူတို့သည့် ဩဂုတ်လ ၅ ရက် နေ့ နံနက်ပိုင်းက တောင်ငူမြို့ အမှတ်(၁၈) ရပ်ကွက် ၊ ပြည်တော်သာလမ်း၊ ဝက်ကုန်းဈေးတွင် စားအုန်းဆီးများ အခြေခံလူတန်းစားများအား သက်သာသော ဈေးနှုန်းဖြင့် ရောင်းချနေမှုအား ကြည့်ရှု့စစ်ဆေးခဲ့ပါသည်။
ရပ်ကွက်များရှိဈေးများအလိုက် စားအုန်းဆီရောင်းချရာတွင် လူ(၁)ဦးလျှင် (၁)ပိဿာနှုန်း အား တန်းစီမှုပုံစံဖြင့် ရောင်းချလျက်ရှိပြီး စားအုန်းဆီ (၁)ပိဿာလျှင် (၅၄၀၀) ကျပ်နှုန်းဖြင့် အခြေခံ လူတန်းစားများအား ရောင်းချပေးလျက်ရှိပါသည်။ ဤကဲ့သို့ ဈေးအလိုက် လှည့်လည်ရောင်းချမှု ကြောင့် အခြေခံလူတန်းစားများ စားအုန်းဆီကို ဈေးနှုန်းသက်သာစွာဖြင့် ဝယ်ယူရရှိမှုရှိသဖြင့် အဆင်ပြေမှုများရှိကြောင်း သိရှိရပါသည်။
DOCA(ပဲခူး)