ပြည်ခရိုင်၊ ပေါက်ခေါင်းမြို့နယ်တွင် ဝါများစတင်စိုက်ပျိုးနေပြီဖြစ်ပါသည်။ ပြည်ခရိုင်အနေဖြင့် ဝါကြီးစိုက်ဧကမှာ (၂၉၀၃)ဧကရှိပြီး ပေါက်ခေါင်းမြို့နယ်အနေဖြင့် (၁၅၇၈)ဧက စိုက်ပျိုးထားပြီး ဖြစ်ပါသည်။
စားသုံးသူရေးရာဦးစီးဌာန၊ ပေါက်ခေါင်းမြို့နယ်တာဝန်ခံနှင့် ဝန်ထမ်းများသည် (၁၀.၈.၂၀၂၂) နေ့ နံနက် (၁၀:၃၀) အချိန်တွင် ပေါက်ခေါင်းမြို့နယ်၊ လေးကြီးကျေးရွာရှိ ဝါစိုက်တောင်သူ ဦးဝင်းရွှေနှင့် တွေ့ဆုံပြီး ဝါစိုက်ပျိုးမှုနှင့် ကုန်ကျစရိတ်များအားမေးမြန်းခဲ့ပါသည်။ ဝါစိုက်ပျိုးသူ တောင်သူမှ ဝါကို ဇူလိုင်ဆန်းပိုင်းတွင် စတင်စိုက်ပျိုးပြီး၊ နိုဝင်ဘာလတွင် ခူးဆွတ်ရမည်ဖြစ်ပါသည်။ စိုက်ပျိုးသည့်မျိုးမှာ ဝါကြီးမျိုးဖြစ်ပြီး တစ်ဧကစိုက်ပျိုးသည့် မျိုးစေ့မှာ (၉)ပိဿာဖြစ်၍ ဈေးနှုန်းမှာ တစ်ပိဿာလျှင် ၃၅၀၀ကျပ်ဖြင့် ဝယ်ယူစိုက်ပျိုးရကြောင်း သိရှိရပါသည်။ ဝါစိုက်ပျိုးထုတ်လုပ် ကုန်ကျ စရိတ်မှာ ဝါမခူးဆွတ်မှီအချိန်အထိ (၃)သိန်းကျော်ကုန်ကျသည်ဟုသိရပါသည်။ ပေါက်ခေါင်း မြို့နယ်အနေဖြင့် ဝါစိုက်ပျိုးဧကမှာ ယခင်နှစ်တွင် ဧက(၈၀၀)ခန့် စိုက်ပျိုးခဲ့ပြီး ယခုနှစ်တွင် ဧက (၁၀၀၀)ကျော်စိုက်ပျိုးပြီးဖြစ်၍ ယခင်နှစ်ထက်စာရင် တိုးချဲ့စိုက်ပျိုးထားကြောင်း သိရှိရပါသည်။
DOCA(ပဲခူး)