ဧရာဝတီတိုင်းဒေသကြီး၊ဖျာပုံခရိုင်၊ ဒေးဒရဲမြို့နယ် စားသုံးသူရေးရာ ဦးစီးဌာနမှ မြို့နယ်တာဝန်ခံဦးသိန်းမောင်သည် ၂၀၂၅ ခုနှစ်၊ ဇူလိုင်လ (၁၃) ရက်နေ့၊ နေ့လယ် (၁၃:၀၀) နာရီအချိန်တွင် ဒေးဒရဲမြို့နယ်၊ ဘုရားကလေးကွင်း ကျေးရွာရှိ ဦးလှမျိုးဆန်းပိုင် ဆန်းလှဝေ ဆန်စက်သို့ MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းတွေ့ဆုံဆွေးနွေးခဲ့ကြောင်း သိရသည်။
အဆိုပါတွေ့ဆုံဆွေးနွေးရာတွင် ဆန်းလှဝေ ဆန်စက်တာဝန်ခံဦးမြင့်ထွန်းမှ MSMEs လုပ်ငန်းများ ဖွံ့ဖြိုးတိုးတက်စေရေးအတွက် ခေတ်မီစက်ယူနစ်များ တပ်ဆင်အသုံးပြုမှုအခြေအနေ၊ ဈေးနှုန်းဈေးကွက်ရရှိမှု အခြေအနေ၊ ယခုနှစ် ဆန်စပါး ရောင်းဝယ်ဖောက်ကားမှုအခြေအနေ၊ ဆန်စပါး သိုလှောင်ရာတွင် အရည်အသွေး ထိန်းသိမ်းမှုအခြေအနေ Myro တွင် သိုလှောင်ရုံမှတ်ပုံတင်ပြီးစီးမှု အခြေအနေများကို တွေ့ဆုံဆွေးနွေးခဲ့ကြောင်း သတင်းရရှိပါသည်။
DOCA(ဧရာဝတီ)