ဓနုဖြူမြို့နယ်၊ အောင်ချမ်းသာ မူလွန်ဘုန်းတော်ကြီး ပရဟိတစာသင်ကျောင်း၌ ၁၀-၇-၂၀၂၅ ရက်နေ့ နေ့လယ် (၁၂း၀၀) နာရီအချိန်တွင် စားသုံးသူရေးရာဦးစီးဌာနမှ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ကျန်းမာရေးဦးစီးဌာနတို့နှင့် ပူးပေါင်း၍ ဘုန်းတော်ကြီးစာသင်ကျောင်းမှ ကျောင်းသား/သူများ ကျန်းမာရေးထိခိုက်မှု မရှိစေရန်အတွက် ကျောင်းမုန့်ဈေးတန်းတွင် ရောင်းချလျက်ရှိသော ဈေးဆိုင်များအား စားသုံးရန် မသင့်သည့် အစားအစာများ ရောင်းချမှုမရှိစေရေး ကွင်းဆင်းဆောင် ရွက်ခဲ့ကြောင်း သိရသည်။
စစ်ဆေးရာတွင် ဘုန်းတော်ကြီးသင်စာသင်ကျောင်း မုန့်ဈေးတန်းတွင် ရောင်းချလျက်ရှိသောမုန့်များတွင် သက်ဆိုင်ရာ ဌာနများမှ စားသုံးရန်မသင့်ဟု တားမြစ်ထုတ်ပြန်ထားသော အစားအသောက်များ၊ သက်တမ်းလွန်မုန့်များ၊ ကုန်အညွှန်းအမှတ် အသားဖေါ်ပြချက်နှင့် ကိုက်ညီမှုရှိသော ကုန်စည်များရောင်းချမှုမရှိစေရေး ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပြီး ရောင်းချသူများအား ကုန်အညွှန်းအမှတ်အသားပြည့်စုံမှုရှိသော ကုန်စည်များကိုသာ ရောင်းချကြရန် အသိပညာပေးခြင်း ဆောင်ရွက်ခဲ့ကြောင်း သိရှိရပါသည်။
DOCA(ဧရာဝတီ)