၁၀.၇.၂၀၂၅ ရက်နေ့ နံနက်(၁၀:၀၀) နာရီအချိန်တွင် စားသုံးသူရေးရာဦးစီးဌာန၊ အနောက် ပိုင်းခရိုင်ဦးစီးမှူးရုံးမှ ဝန်ထမ်း(၃)ဦးတို့သည် မရမ်းကုန်းမြို့နယ် သမိုင်း City Mart၊ ကမာရွတ်မြို့နယ် လှည်းတန်းဈေးနှင့် လှိုင်မြို့နယ် အုတ်ကျင်းဈေးများသို့ သက်ဆိုင်ရာထောက်ခံချက်မရှိသော စားသုံးဆီများနှင့် စပ်လျဉ်း၍ ကုန်အညွှန်း အမှတ်အသားများ ပြည့်စုံစွာပါဝင်ခြင်းရှိ/ မရှိ ကွင်းဆင်းစစ်ဆေးမှုများ ဆောင်ရွက်ခဲ့ပါသည်။
ထိုသို့စစ်ဆေးခဲ့ရာတွင် ဈေးများအတွင်း၌ ရောင်းချနေသော စားသုံးဆီများဖြစ်သည့် Meizan(ဟင်းသီးဟင်းရွက်ဆီ)၊ Lotus(နေကြာဆီ)၊ ရန်ကုန်ပဲဆီသန့်၊ အမေထွား(မြေပပဆီ)၊ Good Choice (ဟင်းသီးဟင်းရွက်ဆီ)၊ Sunar(နေကြာဆီ)၊ ငွေသဇင်မင်း(မြေပဲဆီသန့်)၊ ရွှေပျား(ဟင်းသီး ဟင်းရွက်ဆီ) များတွင် ကုန်အညွှန်းအမှတ်အသားများ ပြည့်စုံစွာပါဝင်မှုရှိကြောင်း သိရှိရပါသည်။
DOCA(ရန်ကုန်)