၂၀၂၅ ခုနှစ်၊ ဩဂုတ်လ ဒုတိယပတ်တွင် ကရင်ပြည်နယ်၊ဘားအံမြို့ရေပေါ်ဈေးရှိအခြေခံ စားကုန်ဖြစ်သည့် ငါးခြောက်အမျိုးမျိုးတို့မှာလည်း ဈေးကောင်းရလျက်ရှိကြောင်း သိရသည်။
ကရင်ပြည်နယ်၊ ဘားအံမြို့ရေပေါ်ဈေးတွင် ဒေသထွက်ငါးခြောက်နှင့်အခြားဒေသမှ ဝင်ရောက် လာသည့် ငါးခြောက်မျိုးစုံရောင်းချလျက်ရှိသည်။ ငါးခြောက်မျိုးစုံဈေးနှုန်းများမှာ ငါးရံခြောက် တစ်ပိဿာလျှင် (၁၆၀၀၀၀)ကျပ်၊ အာဗြဲခြောက် တစ်ပိဿာလျှင် (၄၀၀၀၀ ၊၅၀၀၀၀)ကျပ်၊ ငါးယောင် ခြောက် တစ်ပိဿာလျှင် (၄၅၀၀၀)ကျပ်၊ ငါးဒန်ခြောက် တစ်ပိဿာလျှင် (၄၀၀၀၀)ကျပ်၊ ငါးနီတူ ခြောက် တစ်ပိဿာလျှင် (၃၅၀၀၀)ကျပ်၊ ငါးမြှီးတံရှည်ခြောက် တစ်ပိဿာလျှင် (၃၅၀၀၀)ကျပ်၊ ငါးဇင်ရိုင်းခြောက် တစ်ပိဿာလျှင် (၃၅၀၀၀)ကျပ်၊ ဇလားဗီးယားခြောက် တစ်ပိဿာလျှင် (၃၀၀၀၀)ကျပ် တို့ဖြစ် အရောင်းအဝယ်ဖြစ်ကြသည်။
ယခင်လနောက်ဆုံးပတ် ငါးခြောက်ဈေးနှုန်းထက် ယခုလဒုတိယပတ် ငါးခြောက်ဈေးနှုန်းမှာ အနည်းငယ်မြင့်တက်နေကြောင်း၊ ယခုလို ဈေးအနည်းငယ် မြင့်တက်ရခြင်းမှာ သယ်ယူစရိတ်နှင့် သိုလှောင်စရိတ်ကြီးမြင့်ခြင်းတို့ကြောင့်ဖြစ်ကြောင်း ငါးခြောက်အရောင်းဆိုင်များမှ သိရသည်။
DOCA(ကရင်)