မိတ္ထီလာမြို့နယ် ဩဂုတ်လဒုတိယပတ်ရှိ ကြက်သွန်နီဈေးမှာ ဈေးငြိမ်နေသော်လည်း အခြားဒေသများသို့ တင်ပို့မှုများကြောင်းသိရပါသည်။ မိတ္ထီလာမှ ပဲခူး ၊ ရန်ကုန် ၊ တောင်ကြီး ၊ တာချီလိတ်မြို့များသို့ ပုံမှန်တင်ပို့နေရာ ယခုတစ်ပတ်ပြည်ပဝယ်လက်များက အဝယ်ရှိသဖြင့် မြဝတီသို့ တွဲကားဖြင့် လည်းကောင်း ၊ ရန်ကုန်နှင့်မိုင်းလားသို့(၁၂)ဘီးကားဖြင့်လည်းကောင်း ၊ တင်ပို့ ကြောင်းသိရသည်။ ဩဂုတ်လဒုတိယပတ်အတွင်း မိတ္ထီလာမှရန်ကုန် ၊ တာချီလိတ်သို့(၁၂)ဘီးကားဖြင့် အခြားကုန်စည်များနှင့်ရော၍ လည်းကောင်း ၊ ပဲခူး နှင့်တောင်ကြီးသို့(၆)ဘီးကားဖြင့် အခြားကုန်စည် များဖြင့်ရော၍ လည်းကောင်းတင်ပို့ပြီး ယခုတစ်ပတ် ပြည်ပဝယ်လက်ဖြစ်သည့် မိုင်းလားသို့ ကုန်ချိန် ပိဿာ(၂၀၀၀၀)ဆံ့ တွဲကား(၂)စီးတင်ပို့ခဲ့ကြောင်းသိရသည်။ ကုန်တင်ခအနေဖြင့် ဈေးငြိမ်နေရာ မိတ္ထီလာမှ ရန်ကုန်နှင့် ပဲခူးသို့တစ်ပိဿာ(၂၀၀/)ကျပ် ၊ မိုင်းလားနှင့်မြဝတီသို့(၈၀၀/)ကျပ်ဝန်းကျင်ရှိ ကြောင်းနှင့် ကြက်သွန်နီ တစ်ပိဿာလက်ကားဈေးမှာ (၈၀၀-၁၀၀၀)ကျပ်ဝန်းကျင်ရှိကြောင်း ကြက်သွန်နီကုန်သည်များထံမှသိရသည်။
DOCA(မန္တလေး)