ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ မီးလောင်အုပ်စု၊ မီးလောင်ကျေးရွာရှိ တောင်သူ ဦးရဲမင်းအောင်၏ ငရုတ်စိုက်ခင်းသို့ (၁၄.၈.၂၀၂၅)ရက်နေ့၊ နံနက်(၁၀:၃၀)တွင် သွားရောက်ကွင်းဆင်းလေ့လာခဲ့ပါသည်။ ကျောက်စိမ်းမျိုး ငရုတ်သီးစိမ်းပျိုးထုတ်များကို ဇွန်လတွင် ပျိုးကြဲပြီး ဇူလိုင်လတွင် ပျိုးပင်ပေါက်များကို ဘောင်ပေါ်တွင် တစ်ပင်နှင့်တစ်ပင် တစ်ထောင်ခြားပြီး စိုက်ပျိုးရပါသည်။
ငရုတ်သီးစိမ်းပင်များကို ရွှေ့ပြောင်းစိုက်ပြီး (၁၀)ရက်၊ (၁၂)ရက်အကြာတွင် ပေါင်းနှိမ်ခြင်း၊ ရေသွင်းခြင်း၊ မြေတောင်မြှောက်ခြင်းပြုလုပ်ရပါသည်။ မြေဩဇာကို (၂)ပတ်တစ်ကြိမ်၊ ကျွေးရ ပါသည်။ ငရုတ်သီးစိမ်းစိုက်ဧက (၁)ဧကရှိပြီး ဩဂုတ်လတွင် စတင်ခူးဆွတ်ပြီး (၁)လလျှင် (၂)ကြိမ် (၁၅)ရက်ခြားတစ်ခါ ခူးဆွတ်ရပါသည်။ တစ်ခါခူးဆွတ်လျှင် ပိဿာ ၁၀၀ ကျော်ခူးဆွတ်ရရှိပြီး တစ်ပိဿာကို (၃၀၀၀)ကျပ်ဖြင့် ကုန်သည်များကလာရောက်သိမ်းယူကြပြီး လက်လီဈေးမှာ တစ်ပိဿာ (၅၀၀၀)ကျပ်ဖြင့်ရောင်းချပါသည်။ ပျမ်းမျှအကျိုးအမြတ်မှာ ဈေးနှုန်းနှင့် သီးနှံထွက် ရှိနှုန်းပေါ်မူတည်ပြီး အကျိုးအမြတ်ခံစားရပါသည်။